Hésé Asup (4)

Silahkan bagikan
Rekacipta Fendy Sy Citrawarga

 

“SUGAN téh heueuh ngalaporkeun meunang bangsat gerot sabangsa préman atawa residivis., Sarya. Ngérakeun pisan!”
“Nya kagak apa-apa Kang Ajan yang namanya bangsat mah, naha hayam, naha ajag, naha bayawak, naha Kang Ajan, bawana nya ka aparat kaamanan, jangan ka jamban.”
“Naon satéh Sarya aing disaruakeun jeung bangsat?”
“Hahaha….”
“Maap Kang Ajan maap, sakadar amsal. Pan Bapa Kapala Aparat Kaamanan wakca, katanya maap-maap saja jajarannya can napak na kahayang rahayat.”
“Enya bener Ya, Bapa Kapolri, Pa Idham Aziz dina biantarana nyuhunkeun dihampura alatan kinerja jajaranna can nyugemakeun rahayat.”
“Leres Bah. Tah kitu cenah saur Pa Kapolri ogé kudu dihampura, ngahampura moal Ran?”
“Aya hantu luhur para, ka Sapan eujeung Kang Lili. Nya tangtu urang hampura, da apan teu kudu meuli.”
“Bener Ran kudu kitu alus, ngahampura mah teu kudu meuli jeung da moal aya nu ngajualan hampura. Ari manéh Ya, ngahampura moal?”
“Nya ngamaap Kang Ajan da Yaya mah jalma balabah, ka sasaha tara mawa matak kana manah sabab manah kaanjangan hasrat jahat mah bakal sangsara salalawasna.”
“Duh ni alus kitu éta omongan Ya. Tapi mun enya balabah, cik Kang Ujin ménta duit sapuluh rébu mah.”
“Nya, jalma mah aya sajah jalan namprak ka sasama. Yaya katakan balabah, namprak palay nampa alat pamayar. Nya kagak ada da maksad Yaya katakan balabah taya landasan kana alat pamayar”
“Kana naon atuh Saya?
“Yaya mah balabah namprak ka saban jalma.”
“Sarya gélo. Nu kitu mah lain balabah atuh, baramaén.”
“Hahaha….!”
“Kumaha numutkeun Abah?”
“Naon téa Jin?”
“Sumuhun pamundut Pa Kapolri mohon maap téa?”
“Oh…nya sawajibna ngahampura mah. Tong boro ka pantar Bapa Kapolri, ka rahayat biasa gé kudu ngahampura.”
“Leres nya Bah da lamun diémut -émut mah sanés jajaran Polri baé nu can napak sareng harepan rahayat téh nu séjén gé sami. Angot ayeuna dina HUT apan sidik merhatikeun masarakat, siga maparin sembako, malah aya program ketahanan pangan keur warga. Malah apan dina raraga miéling Bhayangkara aya program SIM gratis.”
“Enya Sép, ku cara kitu rahayat teu hésé asup ngabalad jeung pulisi, atuh pulisi nya kitu kénéh teu hésé asup ka lingkungan rahayat.”
“Hanjakal wé nya Bah nu digratiskeun uras-urus SIM téh kanu lahirna kaping 1 Juli, nu lahir 1 Agustus jeung sasih sanésna mah henteu.”
“Enya bener Sép, sigana mah diluyukeun jeung momén 1 Juli.”
“Oh kitu Bah?”
“Enya Jin.”
“Orokaya si Dimpo mah nganaha-naha ka indungna Bah.”
“Alah siah nganaha-naha kumaha Darsép?”
“Heueuh Jin, si Dimpo téh nanya ka indungna sangkilang geus jebrog ogé bet teu apal tanggal dijurukeun. Ma, ari Dimpo tanggal sabaraha dijurukeun? Dijawab ku indungna, tanggal 30 Juni, ceuk indungna téh. Éta mah si Dimpo kalah nganaha-naha.”
“Nganaha-naha kumaha Darsép?”
“Ceuk si Dimpo téh, Jin. Ari Ema… mun sabar heula dagoan tepi ka tanggal 1 Juli. Naha Dimpo? tanya indungna. Apan méh Dimpo ngajuru tanggal 1 Juli, terus meunang SIM gratis ti Bapa Pulisi.”
“Hahahaaa…….!” (lajengkeuneun) **

Baca Juga :  Sebentar Lagi, Siswa SMP dan SMA Bakal Dilarang Pakai Motor ke Sekolah

M Purnama Alam

Tinggalkan Balasan

Alamat email Anda tidak akan dipublikasikan.

Next Post

Genjot Ekonomi, 480 Hotel di Jabar Gelar Diskon hingga Akhir Agustus

Kam Jul 2 , 2020
Silahkan bagikanVISI.NEWS – Pemerintah Provinsi Jawa Barat melalui Dinas Pariwisata dan Kebudayaan menargetkan okupansi amenitas pariwiswata bisa tumbuh 10 persen dan makro ekonomi pariwisata dapat bergerak di atas 2. Salah satu upaya untuk merealisasikannya adalah menggelar bulan diskon. Kepala Dinas Pariwisata dan Kebudayaan, Dedi Taufik mengatakan, program ini bertajuk Smiling […]