Laba (2)

Jangan Lupa Bagikan
Rekacipta Fendy Sy Citrawarga

 

“ANGGER si Darsép mah ditanya ka kalér, ngajawab ka kidul.”
“Untung.”
“Untung naon satéh Darsép?”
“Nya untung ditanya ka kalér ngajawab ka kidul mah Ujin. Coba mun ditanya ka kalér jawaban ka kidul, ka kulon, ka wétan, ka luhur, ka handap, ka………”
“Kaprot ku aing Darsép!”
“Hahahaaa…….”
“Na ari kitu kumaha, Jin?”
“Sumuhun Bah pan kamari téa ku abdi ditaros basa si Darsép nyebatkeun yén manéhanana keur lebaran téh cenah karék boga laba. Nya naon deui laba-laba kitu mah ari sanés balantik. Ari ditanya balantik naon? Jawabna cenah balantik belentuk cantik…….”
“Na enya nyah Sép boga laba tina balantik?”
“Ah henteu Bah. Heureuy wé….abdi mah.”
“Si gejul sugan téh heueuh.”
“Laba, Jin, laba.”
“Naon satéh, ngan laba jeung laba wéh?”
“Heueuh uing geus heureuy.”
“Terus?”
“Dasar jelema, Jin, Bah, Bi, Ran, Ya!”
“Terus?”
“Ceuk béja, cenah keur usum korona kieu, bari jumlah kasusna nambahan nya Bah? Cik dinten kamari sabaraha jumlahna Bah saindonésia?”
“Tepi ka poé kamari téh jumlah kasusna geus ngahontal 18.010, nu maotna 1.191, nu cageurna deui 4.324 urang.”
“Nambihan deui nya Bah?”
“Enya Sép.”
“Tapi dasar jelema.”
“Heueuh terus kumaha Dasép? Mani hararésé rék ngomong téh komo mun noong.”
“Naha hésé kumaha noong Ujin?”
“Enya pan jaman ayeuna mah WC téh di jero imah teu siga baheula di tampian, jadi noong awéwé nu mandi téh hésé ayeuna mah…..”
“Hahaaa….”
“Gélo, siah Surjin! Yeuh nu dimakud dasar jelema téh sakitu kasus korona terus nambahan unggal poé angger wé pasesedek di pasar, di toko, balalanja keur kaperluan lebaran.”
“Oooh…. éta Sép?”
“Muhun éta, Bah. Kacida, nya?”
“Enya apan ceuk sawaréh nu nyararita, ari ngariung di masjid diulah-ulah, ari di pasar jeung mol dibébaskeun.”
“Muhun kumaha nya Bah bet kitu ning?”
“Ceuk Abah mah balik deui ka urangna, hayang salamet tina ancaman korona, laksanakeun protokol kaséhatan sakumaha mistina, maké masker, ngajaga jarak, cuci tangan, angot tas narima barang ti luar siga duit.”
“Janten nu pagegelek di pasar téh haroyong cilaka panginten nya Bah?”
“Nya meureun kana kitu ari teu nurut kana protokol kaséhatan mah, Jin.”
“Apan tepi ka gogodeg bupatina gé.”
“Gogodeg ku naon, Darsép?”
“Cik ari gogodeg ku naon cenah Diran?”
“Dina jubleg aya sérah, gogodeg mah nya ku sirah.”
“Tah déngékeun Ujin, ceuk si Diran gé gogodeg mah ku sirah, lain ku bujur. Na ari manéh masih tatanya kénéh gogodeg ku naon?”
“Hadeuh, ieu bekok mani geus mulek kieu meujeuhna ditaplokkeun kana liang irung si Darsép!”
“Hahahaa….”
“Maksud uing téh ku naon pangna éta bupati tepi ka gogodeg, Darsép belentuk!”
“Ooh…..éta, ku naon cenah Bi?”
“Haaaar…..naha nanyakeun ka Bibi? Boro-boro hayang ngajawab Asép.”
“Na ari kitu Bibi palay naon?”
“Bibi mah hayang korona geura nyingkah terus nikah berdampingan hidup sama si ganteng pelem…..”
“Si ganteng kalem panginten, Bi.”
“Si ganteng pelem Ujin. Jang nanahaon si ganteng kalem ari étanana teu pelem mah.”
“Hahahaaa……” (lajengkeuneun) **

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Islam Makin Diterima, Idulfitri Jadi Hari Libur Nasional di Filipina

Sen Mei 18 , 2020
Jangan Lupa BagikanVISI.NEWS – Islam di Filipina memang bukan agama mayoritas. Namun, ada beberapa hal menarik dari negara sebagian besar penduduknya beragama Katolik tersebut. Salah satunya, Filipina sempat dipimpin oleh seorang perantau muslim asli Indonesia yang berdarah Minang. Pada 1380, Islam masuk ke wilayah bagian selatan, khususnya Kepulauan Mindanao dan Sulu. Mereka yang […]