Laba (4)

Jangan Lupa Bagikan
Rekacipta Fendy Sy Citrawarga

 

“TEU cageurna téh nya Bah?”
“Naon téa Ujin?”
“Sumuhun éta si Darsép, moal enya rék kawin jeung kurupuk.”
“Oh éta, Jin. Nya éta mah urusan si Asép. Naon maksudna cenah Sép?”
“Abah onaman mani digugu si Ujin. Antepkeun wé lah sina mikir sorangan.”
“Nya kudu jelas Darsép. Jaman ayeuna mah ngomong téh kudu ati-ati, kaasup keur ngabodor, ulah bulat-beulit matak lieur batur, angot matak nyigeung perasaan mah. Tong jauh-jauh ayeuna keur ramé diberitakeun perkara komédian nu ngabodor dina TV terus nyigeung salah sahiji marga, pan diperkarakeun. Leres teu Bah?”
“Enya bener Abah gé maca, Jin.”
“Tuh ceuk si Abah gé. Tah lamun dipikir-pikir mah omongan manéh nu nyebutkeun geus teu tahan hayang geura kawin jeung kurupuk mun korona geus jempling, éta téh nyigeung marga kurupuk.”
“Hahaaaa…..”
“Naha jadi kapapanjangan kitu Ujin?”
“Nya manjangan atuh Bi da ditoél.”
“Naon Ujin nu manjangan ditoél téh, sok ngabibita ah.”
“Enya marga kurupuk.”
“Oh sugan téh marga taeun.”
“Hahaaa……”
“Nyigeung lebah manana, Surjin?”
“Heueuh manéh nyebutkeun geus teu tahan hayang kawin jeung kurupuk tatéh penghinaan ka marga kurupuk da kurupuk mah lain dikawin tapi didahar satéh Darsép!”
“Éta ogé didahar Surjin. Ngahina lebah manana, justru alatan kawin jeung kurupuk jadi sohor sabab ngeunah.”
“Ngeunah, Darsép?”
“Enya ngeunan Ujin sabab kurupuk dikawinkeun jeung bonténg terus didahar ku uing. Pan nu disebut kawin mah ngahijikeun dua hal, mun jelema lalaki jeung awéwé, mun dahareun siga bonténg jeung kurupuk, mun kalapa ngora jeung gula beureum…….”
“Oh…ka dinya maksudna Darsép, mun tatadi atuh!”
“Enya kitu nu matak ari jadi jelema kudu mikir.”
“Ah siah Darsép!”
“Karunya wé nya Bah.”
“Naon téa, Sép?”
“Sumuhun nu paralay énggal-énggal kagungan putra wayahna nuju usum pandemi korona mah saur pajabat téh kedah ditunda heula.”
“Oh, éta Sép. Enya Abah gé maca beritana.”
“Nu tos rumah tangga lami tiasa ditahan, narajang nu anyar panganténan, mana tahaaaaan…..”
“Puguh tahan Asép.
“Maksadna, Bi?”
“Enya basa Bibi anyaran panganténan, pan salaki mani susuluduk aya kahayang. Nya ditahan wé ku Bibi téh da teu ditahan mah lebar……”
“Hahaha……”
“Sok ah Darsép geura terangkeun naon nu dimaksud laba téh. Naha laba bati tina balantik atawa naon?”
“Karék gé Kemis, Jin.”
“Angger……geus nyingcet téh si Darsép mah.”
“Tatarucingan wé lah, sok Ran naon laba?”
“Nyaba jeung Kang Uju, laba mah lain baju.”
“Salah. Sok naon Ya?”
“Laba mah lagaknya bayawak. Tah kawas Kang Ajan.”
“Hahaha….”
“Cabok siah Sarya!”
“Salah Ya. Sok naon Bi ari laba?”
“Lalay badot, Sép!”
“Salah. Naon Bah?”
“Lalaki bageur siga Abah, Sép.”
“Bageurna mah leres, mung wancahanana sanés.”
Sok Ujin ceuk manéh naon laba?”
“Lalaki baong siga manéh Darsép!”
“Hahaa….”
“Salah.”
“Ari enggeus naon Darsép itu salah ieu lain?”
“Laba téh ………laba, jin.”
“Hahaaa…….” (lajengkeuneun) **

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Prioritas Tanggulangi Covid-19, Zakat Tekan Angka Kemiskinan

Rab Mei 20 , 2020
Jangan Lupa BagikanVISI.NEWS  – Gubernur Jabar, Ridwan Kamil mengatakan, zakat merupakan salah satu upaya Islam mengentaskan kemiskinan. Dengan kesadaran membayar zakat yang tinggi, menurut dia,, angka kemiskinan di Indonesia dapat ditekan. “Kalau seluruh umat Islam di Indonesia bayar zakat, itu setahun bisa (terkumpul) Rp200 triliun. Tapi, sayangnya belum maksimal, baru […]