Laba (5)

Jangan Lupa Bagikan
Rekacipta Fendy Sy Citrawarga

 

“MANI hararésé téa si Darsép rék nerangkeun laba.”
“Sabar Jin, sabar, pan urang téh keur puasa.”
“Teuing ah Darsép!”
“Enya pokona mah salila uing nga-Heuras. Mun teu salah mah geus sataun leuwih, tepung puasa, bisi aya kasalahan boh gedé boh leutik kudu dihampura laba, Jin.”
“Beu éta si Darsép mani luluasan, na atuh bet pipilueun jadi korban korona?”
“Hahaha……”
“Jéh, amit-amit Surjin. Ka Abah abdi sok kumawantun. Calutak, sumanggem saraosna abong aya paribasa biwir tu diwengku létah teu tulangan. Nya ayeuna neda sih hapunten laba.”
“Geus pok deui waé éta si Darsép hampura laba, hapunten laba.”
“Jéh, naon deui atuh lebaran mah da ngan éta Ujin. Da éta nu pantes dipéntana. Sok lamun uing nyarita kieu, rumaos uing sok sisiwo, sok heureuy, nya dina poéan lebaran ieu uing seja ménta si Mimin laba……”
“Hahaaa……”
“Sakali deui, Darsép, moal asa-asa ieu peureup .”
“Rék dikumahakeun Ujin?”
“Angger wé sina jadi peureup Bi, moal sina jadi emas da moal bisa.”
“Hahahaa……”
“Atuh ka Bi Rahi, ka Cép Diran, ka Jang Yaya. Kang Asép sarua rék ménta dhampura laba.”
“Geus torojol deui!”
“Ku Abah diihampura, Sép.”
“Naha teu nganggo laba, Bah?”
“Enya atuhlah Sép dihampura laba.”
“Éta si Abah pipilueun jeung si Darsép maké nyebat hampura laba na ngartos kitu?”
“Ngarti Jin. Hampura laba téh hampura lahir batin lin Sép?”
“Leres Bah, leres pisan. Laba téh lain bati tina balantiik belentuk cantik, tapi lahir batin.”
“Gustiiii…..naha uing mani balilu. Kaharti atuh ari kitu mah Darsép.”
“Enya barudak insyaalloh urang saum atawa puasa téh kari sapoé deui isuk nurutkeun kalénder mah. Atuh ngarah yakin nya urang tungguan wé hasil Sidang Isbat ti pamaréntah iraha-irahana lebaran nu pasti mah.”
“Muhun Bah, atuh ti abdi si Ujin, hapunten hususna ka balad-balad nga-Heuras di dieu, umumna ka para pamaos rubrik Heuras nu midang di VISI.NEWS.”
“Tah kitu Jin. Ka Pangersa Bapa Haji Aep sakulawarga, Ais Pangampih atawa Pingpinan di VISI.NEWS, Abah cs. ti grup Heuras ngahaturkeun nuhun tos nyadiakeun lapak basa Sunda nu tangtosna ageung hartosna kanggo ngamumulé tur ngariksa basa Sunda, mugia sing manjang. VISI.NEWS-na langkung majeng.”
“Aamiin…Bah.”
“Saurna VISI.NEWS téh tos diangken ku Déwan Pers, tos terverifikasi nya Bah?”
“Enya Sép, alhamdulillah. Saur Pa Haji Aép pamacana nyeueuran, nu tangtuna lain ukur urang Balééndah tapi ogé Balédunya.”
“Alhamdulillah atuh Bah. Ké, asa teu kakuping aya THR ti Pa Haji Aép.”
“Jéh, sok ngaleuleungit nya aya atuh, Jin. Sieun-sieun gé ku korona Abah ka Jelekong da dipiwarang nyandak THR jeung bingkisan lebaran.”
“Haaaar……naha uing, si Asép si Diran si Yaya, Bi Rahi teu disaur? Kacida éta Pa Haji Aép!”
“Geus diwakilan Ujin.”
“Ku saha, Bah?”
“Heueuh ku Abah, maranéh mah béjana wungkul.”
“Hahaaa…….!” (réngsé) **
—————

BÉWARA

TUMALI sareng Boboran Siam 1 Sawal 1441 H/24 Mei 2020 M, pidangan Heuras ping 25 – 29 Mei lirén heula. Insyaalloh Heuras midang deui ping 1 – 5 Juni 2020.
Nu nyerat Heuras kalih Ais Pangampih VISI.NEWS ngahaturkeun wilujeng Boboran Siam, hapunten lahir tumekaning batin.
Taqobbalaloohu minna waminkum. Aamiin. **

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Pernyataan Pelaksanaan Salat Idulfitri di Tengah Pandemi Covid-19 Jangan Membingungkan Masyarakat

Kam Mei 21 , 2020
Jangan Lupa BagikanVISI.NEWS – Anggota DPRD Provinsi Jabar H.M. Dadang Supriatna mengatakan, ada pernyataan yang berbeda terkait pelaksanaan salat sunat Idulfitri 1441 Hijriah. Pada keputusan Majelis Ulama Indonesia (MUI) dijelaskan, bisa melaksanakan salat Idulfitri dengan menerapkan protokol kesehatan. Sedangkan Wakil Gubernur Jabar mengeluarkan pernyataan berbeda, tak boleh melaksanakan salat sunat […]