Sangkuriang Nyaleg (100)

Silahkan bagikan

Herdi Pamungkas

  • Lalakon Sangkuriang Nyaleg, karangan Herdi Pamungkas mangrupa carita rékaan nu jauh tina kanyataan. Boh ngaran tokoh atawa tempat sadayana fiktif. Ieu carita diserat tujuannana taya sanés lintangti hiburan.
  • Lalakon Saméméhna, Coba saeutik wé koétkeun kana leungeun ki dulur! Lamun getihan tah, éta getih sorangan! Geus teu ku ngudag si Riweuh lamun getihan!

OH, KITU! Sok atuh keureutkeun éta kater kana awak kula, téangan kulit anu hipu, tulang anu rangu! nangtang.

Bener? si Riweuh ngaregog ngadéngé panangtang kitu téh.

Sok nyaan! Siga anu sieun manéh, jeung kawas kurang yakin?!

Panasaran! manéhna rada asa-asa. Kana dampal leungeun urang koétkeun saeutik. Coba namprak!
Sok, tah!

Siap! sret. Kater dikeureutkeun kana dampal leung Rama Bargawa.
Si Riweuh olohok bengong mata simeuteun, nyaan teu neurak.

Ceuk kula gé?! Teu percaya manéh! Ku pakarang anu bener atuh sakalian! omongna bari seuri.

Nyaan?! si Riweuh rada muringis neuleu kitu mah. Hanas satadina ngoa. Cilaka,kaya kieu mah!?

Kunaon, Pot?

Nyaan geuning ki Dulur téh teu neurak ku pakarang?

Bisi manéh panasaran! Hayang ngabuktikeun kula sakti téangan pakarang anu anu leuwih seukeut!

Réng, cik aya pakarang naon?

Aya gé itu tuh pipa beusi, tungtungna seukeut anu nanceb sisi pager, omong tukang parkir.

Bawa, Réng!

Sok bawa kadieu, Réng! omongna.

Cik coba ku ieu, Lur?! Seukeut yeuh tungtungna. Tapi kuring teu tangggungjawab lamun aya nanaon, omong si Riweuh bari nyekelan pipah seukeut.

Manéh mah, Pot. Aya ku keukeuh, kawas anu cangcaya kana jajatén kula. Sok buktikeun!

Teu nanaon ari kitu mah, awas tahan!

Tong kana beuteung nojoskeunana, Pot. Kagok, kana gengerong sakalian!

Baca Juga :  Genjot P3DN, Menperin Pimpin Implementasi Belanja Produk Dalam Negeri

Nyaan?

Nanya kénéh? Sok, sok!

Hiaaaattt! si Riweuh kalawan dibarengan ku tanaga sagemblengna, nojoskeun beusi seukeut kana beheung Rama Bargawa.

Rama Bargawa teu cécél bocél, angger nagen dina tempatna, taya raheut najan saeutik ogé.

Nyaan? si Riweuh ngarahuh narik napas panjang.

Nu lalajo keprok, teu kanyahoan ti mimitina jalama jul-jol narempokeun, bubuhan di sisi jalan.

Hebat, Mang. Deui, Mang! gero budak sakola anu ngajanteng gigireun motorna.

Jagoan si Bapa éta debusna!

Teruskeun ah! ceuk jalma anu disaragam pabrik.

Naon ieu téh? si Riweuh ngarérét ka Rama Bargawa, rét deui ka nu ngagimbung.

Loba nu lalajo, Pot?

Kagok, Lur!

Naon, Pot?

Kira-kirana lamun sirah ditinggang ku batu cadas nu sakeda sirah itu moal nanaon? ngaharéwos.

Haha, moal atuh, Pot!

Nyaan?

Iraha kula bohong?!

Tungguan, ngaléos bari gancang nyokot batu nu ngajentul sisisi kuta.

Teu ngengkékeun, langsung batu ditinggangkeun kana sirah Rama Bargawa nu keur deku satarikna.

Brak, batu bubuk mancawura jadi segedé-gédé kacang tanah. Neuleu kitu nu lalajo ger surak bari pating saruit, pating aralung duit. Ti mimiti duit kencring nepikeun ka lambaran ratusan rébu.

Deui, Mang! Deui! gero nu lalajo.

Wah, ngeunah ogé, Lur. Babari ngarah duit, Lur? si Riweuh bungah.

Naha jadi kieu ieu téh, Pot? Rama Bargawa pungak-pinguk.

Lain jadi kieu, Lur? Alus nu aya ngahasilkeun duit! Diteruskeun moal?

Kumaha manéh wé, Pot?!

“Naon nya idena? manéhna ngerungkeun tarang kawas mikir.

Géléng cobaan ku motor, Mang! gorowok nu lalajo.

Kumaha, Lur?. ***

Hanca…

M Purnama Alam

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

KHUTBAH JUMAT | Menikah Ibadah yang Berpahala

Jum Nov 18 , 2022
Silahkan bagikanVISI.NEWS – إنَّ الـحَمْدَ لِلّهِ نَـحْمَدُهُ وَنَسْتَعِيْنُهُ وَنَسْتَغْفِرُهُ، وَنَعُوذُ بِاللهِ مِنْ شُرُورِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلَا مُضِلَّ لَهُ، وَمَنْ يُضْلِلْ فَلَا هَادِيَ لَهُ، وَأَشْهَدُ أَن لاَّ إِلَهَ إِلاَّ الله وَحْدَهُ لَا شَرِيْكَ لَهُ وَأَشْهَدُ أَنَّ مُـحَمَّداً عَبْدُهُ وَرَسُولُه. يَا أَيُّهَا الَّذِينَ آمَنُوا اتَّقُوا اللَّهَ حَقَّ […]