Sangkuriang Nyaleg (24)

Silahkan bagikan

Herdi Pamungkas

  • Lalakon Sangkuriang Nyaleg, karangan Herdi Pamungkas mangrupa carita rékaan nu jauh tina kanyataan. Boh ngaran tokoh atawa tempat sadayana fiktif. Ieu carita diserat tujuannana taya sanés lintangti hiburan.
  • Lalakon Saméméhna, Sangkuriang ku pribumi diharepkeun sangkan daékeun digawé di imahna.

“HADÉ lamun kitu,” kadéngé rénghapna lalaunan. “Salian kuring butuh ku anjeun digawé di tempat kula kalawan tugas anu ditétélakeun tadi. Kula gé butuh nu ngabantuan kula ngajak leuleumpangan, éta gé lamun suku geus kuat diajak leumpang. Ngan pikeun saheulaanan mah kuring teu bisa ingkah kamana-mana ari lain diuk mah dina korsi. Ngan untung ieu kajadian karék tadi soré,”

“Kunaon anjeun téh sabenerna?”

Nyanggakeun lalakon salajengna!

“O, kitu? Kakara kaharti atuh lamun kitu mah!” Sangkuriang ngoréjat haténa, ngadéngé éta katerangan téh.

“Kuring gé teu nyangka baris ngalaman éta kajadian,” omongna.

“Naha kumaha ayeuna karasana?”

“Nya tangtuna gé nyeri nu hésé pikeun ngagambarkeunnana. Matak kuring ngénta bantuan ka si Ngedul sugan aya jalma nu haat dipéntaan tulung. Kalawan ngarti kana caritaanana, kabeneran geuning panggih jeung anjeun.”

“Lamun meunang kula hayang ningali tatu anu kaalaman ku suku anjeun nepikeun ka hésé leumpang?”

“Heug téh teuing hayang ningali mah, susuganan anjeun bisa ngubaran?” omongna lirih semu nahan kanyeri.

“Meunang henteu kula pindah kahareupeun anjeun?”

“Pék téh teuing!” cénah.

Sangkuriang kalawan ati-ati ngaléngkah lalaunan muru ka hareupeun éta awéwé. Rét, ka lebah sukuna, nyaan dibulen ku kaén perban bodas, tapi rembes ku getih. Tina tuur nepi kana mumuncangan, lebah pigeulang sukuna semu bareuh.

Samgkuriang bisa niténan pakulitan suku nu sabeulah deui konéng umyang, mulus taya céda najan sagurat gé, tina tungtung ramo suku nepikeun ka luhureun tuur. Manéhna maké calana pondok warna hideung nengahan pingping. Panasaran, matana ngarayap ka luhur, teup lebah cangkéngna anu lir papanting, awakna ukur kabunian ku kaos oblong warna bodas.

Baca Juga :  Tersisa 6 Daerah, Zona Merah di Jabar Meluas ke 21 Kabupaten-Kota

Panasaran hayang nénjo rupana, matana ngarayap ka lebah beungeut, pipina ngadaun seureuh, irung kuwung-kuwungan, mata cureuleuk, halis ngajelér paéh, tarang téja mentrangan.

“Geulis,” gerendengna teu sadar, nelek-nelek.

“Naon?” omongna lirih.

“Henteu?” Panasaran balik deui neteup rupana. Bréh kagambar kalawan atra, nya rupa ieu pisan nu salila ieu ditétéangan ku dirina. Ayeuna sidik pisan hareupeun. “Anjeun téh….” omongna haroshos.

“Sangkuriang!” semu tarik. “Lain deuk ngubaran?”

“Enya, enya,” geuntak deku. “Hampura kula ngarampa suku anjeun!” omongna.

“Teu, nanaon, tapi ké heula bender anjeun bisa ngubaran? Kuring cangcayaa? Sabab anjeun mah tabib lain, dokter gé sumawona. Kuring mah sabenerna lain hayang diubaran ku anjeun da tugas anjeun mah lain ngubaran tapi saperti anu disebutkeun ku kuring. Éta gé lamun anjeun siap?” neuteup nu deku hareupeun. “Kuring keur waktu ayeuna mah, ngénta mangnyokotkeun hapé nu pernahna di lantai luhur. Lamun teu kitu deukeutkeun korsi kuring ka tempat nu aya telepon tuh di méja nu rada kalér sarta luhur teu kadongkang ku si Ngedul!”.***

Hanca….

M Purnama Alam

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Pemimpin Reformis Uni Soviet Mikhail Gorbachev Meninggal Dunia di Usia 91 Tahun

Rab Agu 31 , 2022
Silahkan bagikanVISI.NEWS | MOSKOW – Mikhail S. Gorbachev, yang naik ke tampuk kekuasaan di Uni Soviet menggerakkan serangkaian perubahan revolusioner yang mengubah peta Eropa dan mengakhiri Perang Dingin yang mengancam dunia dengan penghancuran nuklir, telah meninggal di Moskow. Dia wafat pada usia 91 tahun. Kematiannya diumumkan pada hari Selasa oleh kantor […]