Herdi Pamungkas

• Lalakon Sangkuriang Nyaleg, karangan Herdi Pamungkas mangrupa carita rékaan nu jauh tina kanyataan. Boh ngaran tokoh atawa tempat sadayana fiktif. Ieu carita diserat tujuannana taya sanés lintangti hiburan.
• Lalakon Saméméhna, si Riweuh ngarasa bébas ti jalama anu ngudah-ngudagna, satutasna ditalungtik jeung ditanyakeun ka tukang parkir nu ngudah téh geus mulang deui. Tinggal nugguan datangna Sangkuriang. Naon maksudna si Riweuh maké hayang nepungan Sangkuriang? Nyanggakeun lalakon salajengna!

“AH, teu balég anjeun mah, Lur!” rada keuheul.

“Hampura,”

:Hampura wéh ti tatadi,’

“Nya da kurang apal,”

“Geus teu diulang! Kuring arék nungguan di dieu wéh sugan kanyahoan?”

“Kanyahoan mah geus pasti da asupna ka gang éta hiji-hijina. Ngan perkara datang jeung henteu nu jadi pasualan,”

“Ditungguan nepi ka soré mah,” omongna, gék diuk luhur kuta.

Waktu terus nyérélek teu kungsi lila anu ditungguan norojol, si Riweuh buru-buru cengkat tina diukna.

“Mang, kabeneran! Panggih di dieu,” omongna megatan jajalaneun.

“Aya naon?” teuteupna.

“Aya obrolkeuneun, Mang!”

“Ngobrolkeun naon, Lur?”

‘Piraku di dieu ngobrolna?”

“Bébas kula mah arék di mana waé ogé, di dieu hayu, di tukang kupat tahu hayu!”

“Di tukang kupatu mah éngké, Mang. Kuringna jeu teu boga duit,”

“Naon anu arék dicaritakeun téh?” ngarérét.

“Henteu,”

“Moal jadi?”

“Lain kitu maksud téh saacan nyarita kana poko. Kuring hayang apal heula, ari anjeun boga élmu naon harita ngangsagiriwil ngahudangkeun motor?”

“Ah, asa teu penting anu kitu ditanyakeun!” Sangkuriang malikeun awak maksudna arék ngaléos.

“Tungguan kuring nanya can dijawab, ngobrol ogé karék eudeuk dimimitian,”

“Di ditu atuh bari diuk luhur batu, cangkeul nangtung waé mah!” Sangkuring pangheula diuk luhur batu nu biasa osok didiukan ku dirina.

“Mang, dijawab moal pananya kuring anu tadi?”

“Mpal ceuk kula gé teu penting,”

“Teu nanon ari kitu mah. Ngan lamun kuring boga masalah ku Mamang arék ditulungan moal?”

“Ngunjeum, duit? Moal, boro-boro jang batur sorangan gé teu boga,”

“Ulah wala motong atuh! Pasualan kuring mah lain urusan duit, Mang.”

“Naon?”

“Kuring téh diudah-udag ku jalma gagah, sakti mandaraguna,”

“Nyaho gagah jeung sakti mandarguna téh ti saha?”

“Cék beja,”

“Ah, anéh ki dulur mah kakara ku béja geus sieun?”

“Hariwang bisi bener kitu?”

“Hak Ki Dulur lebah dinya mah. Ngan pasualnana naon?”

“Sieun éta jalma nyiksa ka kuring! Mangka manéhna jakung badag,”

“Ari kitu?”.***

Hanca…