Sangkuriang Nyaleg (46)

Silahkan bagikan

Herdi Pamungkas

  • Lalakon Sangkuriang Nyaleg, karangan Herdi Pamungkas mangrupa carita rékaan nu jauh tina kanyataan. Boh ngaran tokoh atawa tempat sadayana fiktif. Ieu carita diserat tujuannana taya sanés lintangti hiburan.
  • Lalakon Saméméhna, Sakadang maung nénjo mangsana lingas téh manéhna beuki ngahanakeun, kiwari mah gerakanna leuwih gancang tinu mimiti. Tapi taya hartinam angger waé nyamos jeung nyamos. Antukna sakadang maung capé sorangan, sababaraha kali ngerahkeun tanaga jeung kakuatanna hayang nekuk musuh, cukup ku ngagiwar, ngeplos.

“MAUNG, tadi aing geus ngénta dihampura sabab teu ngahaja! Ari silaing maksa terus hayang nandasa aing! Sedengkeun aing mah teu hayang binasa ka silaing,” omongna, “Naon hartina terus narajang ogé da moal beunang, kalahka silaing anu béak tanaga,” teteupna.

Maung ukur ngagaur bari némbongkeun sihungna anu ranggéténg, bangun ngagigila.

“Najan guar-gaur ogé némbongkeun sihung da ari aing mah teu ngarasa keueung! Moal kapangaruhan ku sima silaing,” omongna bangun kesel.”Ngan kawana lamun keukeuh silaing hayang ngerekeb deui ka aing, ayeuna kapaksa arék ditindak. Lamun henteu kawasna silaing bakal tuluy narajang ka aing!”

Nyaan waé can ogé sungut baseuh maung geus ngajaul deu narajang ti hareupeun.

“Wayahna siah!” Sangkuriang sakali ieu ngagiwar ka kénca dibarengan ku ngaheumbatkeun teugeulan kedétna kana punduk maung.

Pugguh atuh maung dina muragna kana lemah téh ngagaurna rada tarik, langsung ngudupruk nyuuh bangun ngarasakeun nyeri.

Tidinya ukur gagauran rada alon, dina kaayaan ngudupung teu cengkat kawas tadi, teungeulan sangkuriang karasana nyéksrek kana awak.

“Sok hudang deui siah!” tangtangna. “Kajaba lamun silaing hayang ngeureunan?”

Maung ukur ngagaur laun, kawas anu serah bongkokan ka Sangkuring anu geus bisa ngélehkeun dirina. Buktina sakadang maung teu cengkat deui, ngudupung luhur lemah bangun taya tangan pangawasa.

Baca Juga :  Awas! Penyekatan Larangan Mudik Berlaku Mulai Malam Ini Pukul 00.00 WIB, Semua Transportasi Diperiksa

Buntutna ngawet, tungkul kana lemah ngagaur laun teu wani ngakat gado komo neteup beungeut Sangkuriang.

Sangkuriang kiwari mah surti, lamu éta maung geus serang bongkokan. Tuluy manéhna dongko, sarta ngusap punduk tapak paneunggeulna.

Maung kakara bisa hojah deui, tapi kiwari mah geus teu wanieun deui narajang, ukur nyuuh hareupeun Sangkuriang saperti patalukan.

“Meugeus, balik silaing!” omongna.

Maung ukur ngagaur lalaunan, tuluy malik ngalénghiy ninggalkeun Sangkuriang anu masih kénéh ngajanteng dina tempatna.***

Hanca….

M Purnama Alam

Tinggalkan Balasan

Alamat email Anda tidak akan dipublikasikan.

Next Post

Aniaya Pengunjung Wanita Satpam Cafe Dipolisikan

Kam Sep 22 , 2022
Silahkan bagikanVISI.NEWS | SURABAYA – Syaifurrochman Azis alias Ajis warga Jalan Petukangan Baru, Ampel, tidak menyangka jika harus berurusan dengan polisi. Pria 29 tahun itu diamankan setelah menganiaya seorang wanita pengunjung Phoenix Cafe, tempatnya bekerja di Jalan Kenjeran. Dengan tangan kosong, Ajis tega memukul pipi sebelah kiri korban Danisa. Akibatnya, […]