Sangkuriang Nyaleg (95)

Silahkan bagikan

Herdi Pamungkas

  • Lalakon Sangkuriang Nyaleg, karangan Herdi Pamungkas mangrupa carita rékaan nu jauh tina kanyataan. Boh ngaran tokoh atawa tempat sadayana fiktif. Ieu carita diserat tujuannana taya sanés lintangti hiburan.
  • Lalakon Saméméhna, Nipu? dina haténa si Riweuh ngarasa reuwas ogé sok sieun kabongkar kedok dirina ogé. Maksudna kumaha, Lur?

CEUK kula mah lain si Garéng éta?
Ari geus saha kitu?

Piraku si Garéng nyarita lemes kieu?
Ari geus?

Ah, siah ieu mah Abimanyu nya? Atawa Arjuna?

Arjuna? omong si Riweuh, rada bisa ngarénghap ayeuna mah.

Heueuh,

Piaraku Arjuna bentukna kieu?

Heuh, tapi, Pot?

Moal lamun Togog?

Ah, geus puguh si Garéng, Lur!

Lain, siah! Kula apal si Garéng mah ngomongna kasar! Piraku ieu lemes!

Ngaku siah saha manéh sabenerna?
Jisim abdi mah da ti kamari ogé sanes Garéng, Sun. Tukang parkir ngadégdég.

Nya, bener lain ceuk kula gé, Pot?!

Ah, cilaka, kaya, kieu mah,

Naon anu cilaka, Pot?

Éta si Garéng, nyalénggorkeun maksud.

Heueuh, siah! Bongana geus ngabohongan ka kula! Ngaku siah!
Saur jisim abdi ogé tadi disebatkaeun ti kamari ogé sanés Garéng, Sun.

Naha atuh ngaku-ngaku?

Teui pisan pisan, Sun. Cobi émut, harita anu nyebat Garéng ka jisim abdi apanan salira, Sun. Mangga émut deui?!

Heueuhnya! Naha saha atuh manéh sabenerna?

Jisim abdi mah nya tukang parkir, Sun. Nu maneuh di dieu,

Ari manéh? neuteup si Riweuh.

Naha bet tumanya kitu, Lur. Apanan kuring mah cépot, si Riweuh gegebegan.

Cépot?

Enya, Lur,

Ah, anéh. Nu tadi tukang parkir lain si Garéng, ieu ngaku si Cépot? Rama Bargawa nepakan tarang.

Baca Juga :  Tim SAR Evakuasi 13 Pendaki yang Terjebak di Erupsi Gunung Merapi Sumbar

Naon anu anéh, Lur? haté mah keukeuh gegebegan.

Apanan ari si Cépot mah biasana ogé aya si Garéng, si Udawala, Semar bandar nangka,
Badranaya!

Tah, éti…éh, éta…tapi apan euweuh tah!

Aya atuh!

Dimana ayeuna?

Nya di imah atuh, piraku kuring kudu abring-abringan, sabondon royot,

Lain bondon royot atuh, éta mah ngaran kurupuk!

Heueuh, gening manéh apal, Pot!
Tangtu atuh, Lur,

Ngan anu anéh naha si Garéng robah. Manéh ogé rupana robah, kula asa inget si Cépot mah beungeutna beureum. Ari mah hideung?

Rama Bargawa tuluy rada ngahuleng siga aya anu keur dipikiran, teu kungsi lila pok deui nyarita.

Da anu beungeutna hideung mah Baladéwa, omongna.

Nyaan, ieu jalma téh sabenerna kumaha? tukang parkir nepak tarang.

Salah atuh, Lur! Anu hideung mah Keresna! Sabenerna ari ki Dulur téh Rama Bargawa ti alam mana? si Riweuh panasaran.

Maksudna?

Rama Bargawa téh asa rada anéh, Lur?

Anéh naon? muncereng. Piraku manéh teu percaya ka kula, Pot! Dedegan jangkung badag, spir aya balingbingan, buuk bodas, kabéh?
Ari kitu naon hubungannana?
Cirina kula téh umur geus rébuan taun, Pot.

Bisa jadi bener, bisa salah?

Naha?

Maké naha? Da warna buuk mah teu bisa diukur ku umur. Contona bapa semar ti imiti dunya ngadeg nepi ka kiwari rambutna angger sanyungcung dina embun-embunan,

Hubungan jeung kula naon?

Dicukur teu dicukur gé bapa semar mah angger buukna sakitu. Teu nambahan teu ngurangan,

Ari kitu?

Ku kituna warna buuk teu bisa nangtukeun ukuran umur, Lur.
Jadi manéh teu percaya ka kula?
Bongan ki dulur gé teu percaya ka kula jeung si Garéng?

Baca Juga :  Pencak Silat Harus Dilestarikan Sebagai Identitas Bangsa Indonesia

Ragu, kula soalna ceuk dina wayang tadi subuh na radio si Cépot téh beungeuna beureum. Si Garéng nyaritana kasar?

Oh, jadi ki Dulur mah nyaho wayang téh tina radio?

Henteu ogé? Apanan kula mah anu ngajamanan. Kula sajaman jeung kurawa. Jeung dunungan manéh Gusti Rama,

Tuh, beuki anéh? omong si Riweuh, asa manggih jalan komo meuntas.***

Hanca…

M Purnama Alam

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Digelar 11-19 November di YPK, Pameran Lukisan 11 Perupa dalam Tema Free Kick

Ming Nov 13 , 2022
Silahkan bagikanVISI.NEWS | BANDUNG – Sebelas seniman Bandung berkolaborasi memamerkan karya mereka dengan tema, “Free Kick,” tendangan bebas menuju gawang lawan. Itu merupakan antitesis, sebagai sebuah jawaban, dari suatu kegelisahan mereka terhadap realistas pasar seni lukis, yang dekade ini, menghadirkan kematian-kematian idealisme dari para senimannya, karena adanya faktor oligarki dari […]