Sangkuriang Nyaleg (96) 

Silahkan bagikan

Herdi Pamungkas

  • Lalakon Sangkuriang Nyaleg, karangan Herdi Pamungkas mangrupa carita rékaan nu jauh tina kanyataan. Boh ngaran tokoh atawa tempat sadayana fiktif. Ieu carita diserat tujuannana taya sanés lintangti hiburan.
  • Lalakon Saméméhna, Ah, anéh. Nu tadi tukang parkir lain si Garéng, ieu ngaku si Cépot? Rama Bargawa nepakan tarang.

Naon anu anéh, Lur? haté mah keukeuh gegebegan.

Apanan ari si Cépot mah biasana ogé aya si Garéng, si Udawala, Semar bandar nangka, Badranaya!

Tah, éti…éh, éta…tapi apan euweuh tah!

Aya atuh!

Dimana ayeuna?

Nya di imah atuh, piraku kuring kudu abring-abringan, sabondon royot,

Lain bondon royot atuh, éta mah ngaran kurupuk!

Heueuh, gening manéh apal, Pot!

Tangtu atuh, Lur,

Ngan anu anéh naha si Garéng robah. Manéh ogé rupana robah, kula asa inget si Cépot mah beungeutna beureum. Ari mah hideung?

Rama Bargawa tuluy rada ngahuleng siga aya anu keur dipikiran, teu kungsi lila pok deui nyarita.

Da anu beungeutna hideung mah Baladéwa, omongna.

Nyaan, ieu jalma téh sabenerna kumaha? tukang parkir nepak tarang.

Salah atuh, Lur! Anu hideung mah Keresna! Sabenerna ari ki Dulur téh Rama Bargawa ti alam mana? si Riweuh panasaran.

Maksudna?

Rama Bargawa téh asa rada anéh, Lur?

Anéh naon? muncereng. Piraku manéh teu percaya ka kula, Pot!

Dedegan jangkung badag, spir aya balingbingan, buuk bodas, kabéh?

Ari kitu naon hubungannana?

Cirina kula téh umur geus rébuan taun, Pot.

Bisa jadi bener, bisa salah?

Naha?

Maké naha? Da warna buuk mah teu bisa diukur ku umur. Contona bapa semar ti imiti dunya ngadeg nepi ka kiwari rambutna angger sanyungcung dina embun-embunan, Hubungan jeung kula naon?

Baca Juga :  Antisipasi Omicron Saat Nataru, Pemerintah Perketat Prokes dan Pembatasan Kerumunan

Dicukur teu dicukur gé bapa semar mah angger buukna sakitu. Teu nambahan teu ngurangan,

Ari kitu?

Ku kituna warna buuk teu bisa nangtukeun ukuran umur, Lur.

Jadi manéh teu percaya ka kula?
Bongan ki dulur gé teu percaya ka kula jeung si Garéng?

Ragu, kula soalna ceuk dina wayang tadi subuh na radio si Cépot téh beungeutna beureum. Si Garéng nyaritana kasar?

Oh, jadi ki Dulur mah nyaho wayang téh tina radio?

Henteu ogé? Apanan kula mah anu ngajamanan. Kula sajaman jeung Kurawa. Jeung dunungan manéh Gusti Rama,

Tuh, beuki anéh? omong si Riweuh, asa manggih jalan komo meuntas.
Naha anéh naon, Pot?

Tadi ceuk ki dulur sajaman jeung Kurawa, kitu deui Rama Kawalon, Gusti Rama!

Heueuh, anéh, Lur?

Anéhna palebah mana, Pot?

Kurawa jeung Rama sajaman?

Nya heueuh atuh! Apanan Citrayuda téh alona Laksmana,

Kakara ngadéngé?

Matak déngékeun kula ngomong!

Kula tangtuna ogé anu geus hirup rébuan taun leuwih apal kana kaayaan alam dunya jeung anu ngeusianana,

Nyaan hébat lamun lamun kitu mah, Lur! si Riweuh ngacungkeun jempol. Mangkeluk téh kawas leuwih parna batan si Mamang anu ngaku ngaran Sang Bango, aéh Sangkuriang. Hayang geura-geura kapanggih wé kulawargana atawa patugas rumah sakit jiwa,

Kunaon manéh nyarita soranan, Pot?

Baruk? Nyarita sorangannya? Iraha tateh?

Bieu? Naha teu sadar kitu?

Ah, ari teu sadar mah piraku deui, Lur. Meureun kuring moal nangtung hareupeun ki dulur ayeuna,

Bener ogé tah. Beuki bingung lamun kitu mah?

Saha anu bingung, Lur? tanya si Riweuh.

Manéh, Pot!

Bingung naon? Puguh ki dulur anu ngabingungkeun kuring! Geura mulang mening ayeuna mah, Lur.

Baca Juga :  Sirkuit Catalunya Resmi Gelar GP Spanyol Tahun Ini

Karunya tuh kulawarga bisi néangan!

Moal atuh! Kula mah teu boga kulawarga, hayang apal kana geting sorangan!

Aya ku keukeuh! Réng cikan boga kater teu?

Jang naon, Sun? tanya tukang parkir.***

Hanca…

M Purnama Alam

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Sandiaga Uno Apresiasi PLN atas Sukses World Superbike 2022 di Sirkuit Mandalika

Sen Nov 14 , 2022
Silahkan bagikanVISI.NEWS | LOMBOK TENGAH – Gelaran balap motor World Superbike (WSBK) 2022 yang berlangsung 11-13 November 2022 di Sirkuit Mandalika, Nusa Tenggara Barat, berjalan sukses dengan listrik yang andal tanpa kedip. Menteri Pariwisata dan Ekonomi Kreatif (Parekraf), Sandiaga Salahudin Uno, saat menyaksikan gelaran WSBK memberikan apresiasinya kepada PLN atas […]