Sidik Pisan (1)

Silahkan bagikan
Rekacipta Fendy Sy Citrawarga

 

“RINCIK rincang-rincik rincang, mawa hoé nu Ki Anén, sidik pisan sidik pisan ayeuna téh poé Senén!”
“Éta si Diran nyanyahoanan.”
“Nyanyahoanan kumaha Jin?”
“Ujug-ujug ngabalakan nyarita, pan biasana gé uing heula Darsép.”
“Nya keun waé atuh Jin da bener.”
“Bener kumaha Darsép?”
“Heueuh bener sidik pisan ayeuna mah poé Senén, nya Ran? Mun tas Senén poé naon Ran?”
“Rincik rincang rincik rincang, ngahénén eujeung Téh Sasa. Sidik pisan sidik pisan, tas Senén mah nya Salasa.”
“Hébat si Diran jago sisindiran. Cik ilaing Ya, tas Salasa poé naon? Sisindirankeun siah, Ya!”
“Alaaaah…..gampang Kang Ajan.”
“Enya sok gampang mah geura pok.”
“Na dada aya kalangkang, barangkal bawa Kang Ahmad. Bada Salasa mah akang, tara mancal kana Ahad.”
“Hébat ogé si Yaya bisa sisindiran cacak sarwa a ngabamblamna. Ngan hanjakal.”
“Hanjaka kumaha Jin?”
“Heueuh teu apaleun tas poé Salasa. Rebo kituh Sarya, maké nyebut tas Salasa tara mancal kana Ahad.”
“Urangna nu kudu ngarti Jin.”
“Ngarti kumaha Bi?”
“Enya kudu ngarti kana omongan si Sarya. Keun wé tong saban geureuh.”
“Enya Bi lah dimalum. Lamun lain mancal kana Ahad, mancal kana naon atuh Sarya?”
“Akang palayna mancal ka mana, ka parawan atawa ka randa?”
“Hahaaa……”
“Mun ka parawan?”
“Mayarna mahal.”
“Mun ka randa?”
“Amat mahal.”
“Hahaaa……”
“Naha ka randa amat mahal Sarya?”
“Tanya tah Mamah Raha, naha amat mahal?”
“Naha Bi mani mahal?”
“Naon Ujin nu amat mahal téh?”
“Éta ceuk si Sarya cenah mancal ka randa mah amat mahal?”
“Nya mahal da geus loba pangalaman Ujin, geus legok sodok, genténg dengkék……!”
“Hahaaa……”
“Legok tapak genténg kadék panginten Bi.”
“Tah éta, Bah.”
“Enya Bi, siga urang-urang ayeuna kudu geus legok tapak genténg kadék hirup babarengan jeung ancaman pandemi korona téh.”
“Leres Bah. Ngirangan panginten ayeuna mah kasusna nya?”
“Puguh nambahan terus Bi nu matak ceuk Abah kudu geus legok tapak genténg kadék ogé.”
“Euleuh, tos sabaraha kitu ayeuna Bah?”
“Tepi ka poé Ahad tanggal 14 Juni kamari téh saindonésia kasusna geus ngahontal angka 38.277.”
“Leres tatéh Bah?”
“Sidik pisan Bi. Rincik rincang-rincik rincang, si Nana ajrag-ajragan. Sidik pisan-sidik pisan, korona terus nambahan.”
“Hébat si Abah ogé teu éléh ku si Diran sisindiranana.”
“Nya enya atuh Ujin kudu bisa sisindiran mun enya ngaku urang Sunda mah.”
“Bibi tiasa kitu?”
“Nya bisa. Geura yeuh déngékeun Ujin. Rincik-rincang rincik rincag, aya londok dina bilik. Sidik pisan-sidik pisan, sok nu bibi sidik-sidik.”
“Hahaaa……!” (hanca)

Baca Juga :  2,55 Juta Orang Sudah Vaksinasi Covid-19 hingga Sabtu

M Purnama Alam

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Ketua Komisi II DPR: Kalau Pilkada 2020 Diundur Lagi, Harus Mulai dari Awal

Ming Jun 14 , 2020
Silahkan bagikanVISI.NEWS – Ketua Komisi II DPR, Ahmad Doli Kurnia mengatakan, keputusan melaksanakan Pilkada 2020 pada 9 Desember telah ditimbang masak-masak. Menurut Doli, jika Pilkada 2020 diundur lebih lama lagi dari jadwal semula yaitu 23 September, seluruh tahapan pilkada harus dimulai dari nol. “Misal kalau diundur, saya katakan kalau kita […]