Tragédi Sarua (2)

Editor :


Silahkan bagikan
Rekacipta Fendy Sy Citrawarga

 

“NAON nu juru tilu téh cenah Darsép?”
“Naon téa, Surjin?”
“Heueuh kamari ceuk manéh Bi Onih sisindiran pajah, ‘héjo deui héjo deui, héjo ngémploh daun cau. Lengo deui lengo deui, lengo noong juru tilu’.”
“Tah si Diran nu nyahoeun mah, naon cenah Ran nu juru tilu téh?”
“Hayang ngilu ka Cicukang, éta pipi naha bengep. Juru tilu mah yeuh Akang, pasti lain juru genep.”
“Hahaha…..”
“Si Diran géhél!”
“Ceuk manéh Ya?”
“Kata Yaya mah yang namanya apa yang Kang Asap tanyakan adalah……”
“Naon heula nu ditanyakeun téh Sarya?”
“Masa Kang Ajan kagak paham? Kagak paham mah bahaya, kawas bahayana sasalad yang kalah nambahan dan nambahan, nya Bah?”
“Bener Ya. Kasus korona di nagara urang ray poé ray poé téh terus nambahan, lain ukur hiji dua nambahanana téh tapi ratusan.”
“Dugi ka dinten kamari nambihan sabaraha cenah Bah?”
“Aya 32.033 kasus, barudak.”
“Gustiiii…..naha nya?”
“Ya kata Yaya tamah lantaran jama-jalma kagak paham bahaya. Da paham bahaya mah sasalad takkan ka mamana. Matakna baham jangan calangap sagawayah, tangan jangan sacabak-cabakna. Cabaklah barang yang halal, jangan nyabak barang haram.”
“Nyabak naon barang haram Sarya?”
“Nyabak larangan parawan anak tatangga.”
“Hahaaa…….”
“Sarya gejul.”
“Tah éta juru tilu téh Ujin.”
“Ngarti uing gé Bi nu dimaksud juru tilu ku Bi Onih heueuh éta.”
“Naha atuh ditanyakeun deui?”
“Nguji. Kitu biasana dosén mah sok nguji.”
“Hayang wé disebut dosén si Surjin.”
“Baé wé satéh Dasép. Ké, naha atuh nya Bah si Odin mani embung disebut hideung pan heueuh kanyataanana hideung?”
“Jéh ari ilaing Ujin. Najan enya gé kitu teu meunang diomong-omong. Sabab kitu peta téh matak nganyerikeun haté. Pék wé pikir ku ilaing, cacak Bi Onih ngahariring lain ditujukeun ka si Odin da nu hideung téh lain kulit jelema waé atawa lain si Odin waé, si Odin geus sakitu ngamukna nepi ka nyabok Bi Onih, angot lamun dihaja.”
“Rasis téa nya Bah.”
“Bener Sép. Tah di Amérika, pulisi nyiksa warga kulit hideung, apan démo di mana-mana, lain waé di Amérika tapi nerekab ka mamana.”
“Kitu Bah?”
“Enya, Jin. Nu matak rasis téh dipahing pisan. Angot dipaké senjata pulitik keur ngéléhkeun lawan mah.”
“Leres Bah.”
“Enya sép. Alloh nyiptakeun kulit jelema béda-béda, nya kitu basa, adat, tabéat, jeung istiadatna, lain keur silihhina silihkakalakeun, tapi keur silihpikawanoh.”
“Tapi buktosna ning kalah paraséa gara-gara béda-béda téh Bah?”
“Jadi ilaing mah sagala rupa téh hayang sarua nyah?”
“Nya muhun ngarah teu paraséa, ngarah teu aya rasis.”
“Ceuk saliwat mah siga bener, padahal gara-gara sarua loba tragédi.”
“Tragédi Bah? Naon waé?”
“Hayang apal?”
“Puguh wé, Bah.”
“Tunggu tanggal mainnya, jangan ke mana-mana, di rumah aja bisi aya korona. Kalau mau ke mana-mana, omat ulah teu dicalana.”
“Hahahaa……!” (lajengkeuneun) **

Baca Juga :  Hasil Evaluasi Pelaksanaan Pilbup Bandung, Kahfiana: Alhamdulillah Semua Terawasi dengan Baik 

M Purnama Alam

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Terminal Guntur Garut Kembali Beroperasi, Tarif Bus Naik

Sel Jun 9 , 2020
Silahkan bagikanVISI.NEWS – Setelah selama kurang lebih dua bulan ditutup, kini Terminal Guntur Garut kembali dibuka. Namun, untuk sementara baru bus antar kota dalam provinsi (AKDP) yang mulai dioperasikan dari terminal terbesar di Kabupaten Garut, Jawa Barat, tersebut. Kepala Terminal Guntur, Sofyan Hidayat, menyebutkan, pembukaan kembali terminal dilakukan sesuai arahan […]