Tragédi Sarua (3)

Jangan Lupa Bagikan
Rekacipta Fendy Sy Citrawarga

 

“NYA enya atuh Bah dicalana da teu dicalana mah ulad-alid.”
“Jaba ulal-elol nya Jin.”
“Milarian naon cenah Bi?”
“Néangan juru tilu, Jin.”
“Hahahaaa….”
“Tragédi téh tragédi kumaha atuh tinu sarua téh Bah?”
“Nya conto leuleutikanana mah kamari ieu wé di Bandung pan aya kajadian, Jin.”
“Kajantenan naon Bah?”
“Heueuh pulisi cenah nyangkalak saurang nonoman nu disangka mawa sabu-sabu. Bénér aya barang buktina mah, tapi ana dicék, horéng éta téh lain sabu-sabu, tapi uyah.”
“Alaaah…..?”
“Heueuh Ujin. Éta téh apan gara-gara warna sabu-sabu jeung uyah lemes sarua bodas.”
“Leres wé nya.”
“Abdi gé gaduh pangalaman tragédi sarua kitu mah Bah.”
“Tuh ningan ilaing gé boga pangalaman, Jin. Pangalaman kumaha?”
“Abdi téh nuju mapah ti wengi caang bulan meueusan. Keur jongjon mapah katingali aya nu bodas buleud. Dicokot wé ku abdi téh. Manawi téh…..”
“Sugan téh naon Ujin?”
“Manawi téh duit lima ratus pérak kencring Bi.”
“Ari pék Ujin?
“Manahoréng urut turub limun.”
“Hahaaaa…….”
“Watir…….maksud hati mengambil harta karun apa daya cuma urut turub botol limun.”
“Hahahaa…..”
“Ah siah Darsép.”
“Tah kitu Ujin gara-gara sarua apan cilaka. Jadi, intina mah urang hirup kudu ati-ati jeung ulah ngalawan kodrat Alloh.”
“Maksadna Bah?”
“Enya Alloh nyiptakeun manusa béda-béda téh lain keur rasis, nu kulit bodas leuwih alus batan nu kulit hideung, nu kulit hideung leuwih hina batan nu kulit bodas atawa bulé. Sabab kamulyaan manusa nurutkeun ajaran Alloh SWT mah nu pangtakwana.”
“Manawi téh nu pangbodasna, Bah?”
“Jéh nyaéta kitu carana mah nimbulkeun pacogrégan téa. Lamun ukuran kamulyaan warna kulit, upamana nu kulit bodas nu mulya atuh meureun nu kulitna hideung mah teu mulya nya kitu deui sabalikna. Tapi ku ukuran takwa nyaéta paripolah nu merenah dumasar pituduh Alloh ku cara prakna ibadah sing saha waé ogé bisa ngalakonan. Jalma nu kulitna bodas hirupna takwa, nya meunang gelar mulya. Nu kulitna hideung hirupna takwa, nya kitu deui meunang jujuluk mulya.”
“Adil téa nya Bah?”
“Tah kitu Sép. Ku takwa moal aya rasis atawa ngabéda-béda ka jelema dumasar kelir kulit siga nu sok mindeng kajadian jeung nimbulkeun pacéngkadan nepi ka peperangan.”
“Korona mah teu rasis nya Bah?”
“Teu rasis kumaha Sép?”
“Sumuhun teu ningali kelir kulitna, nu kulitna bulé, konéng, coklat, sadayana kakeunaan…..”
“Tah kitu , bener pisan Sép.”
“Gara-gara korona nu teu pandang bulu sarua meunang tragédi nya Bah?”
“Leres Bi, kitu pisan. Ké, ari Bi Rahi kungsi meunang tragédi sarua?”
“Kantos, Bah. Bibi téh nuju mapah di payuneun katingali budak ngora. Atoh Bibi téh da sidik Afgan nu ti peuting teu weléh kaimpi-impi ti beurang kabayang-bayang.”
“Terus kumaha Bi?”
“Nya ku Bibi téh dihéotan. Ari bréh manéhna ngalieuk, sugan téh Afgan Ujin. Ari pék téh…..”
“Saha Bi?”
“Si Apud, Ujin.”
“Sarua lebah manana Afgan jeung si Apud, Bi?”
“Sarua lalaki.”
“Hahaaa…..” (lajengkeuneun) **

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Aulia Kesuma Klaim Ide Pembunuhan Ayah-Anak dari Pihak Lain

Sel Jun 9 , 2020
Jangan Lupa BagikanVISI.NEWS – Terdakwa kasus pembunuhan ayah-anak yang jenazahnya ditemukan di Sukabumi, Aulia Kesuma (terdakwa I) dan Geovanni Kelvin Oktavianus Robert (terdakwa II) meminta dibebaskan dari tuntutan hukuman mati karena mengklaim ide pembunuhan berencana bukan dari mereka. Hal itu diungkapkan oleh pengacara hukum kedua terdakwa melalui nota pembelaan (pledoi) yang dibacakan dalam persidangan […]