Tragédi Sarua (4)

Editor :


Silahkan bagikan
Rekacipta Fendy Sy Citrawarga

 

“CIK atuh sing boga lilinggeran, Bi.”
“Lilinggeran kumaha Ujin?”
“Enya piraku teuing Afgan kuluna-kulunu ka dieu bari badarat, érék ogé kana mobil.”
“Nyaéta Ujin kitu nu keur kaédanan mah.”
“Kitu kumaha Bah?”
“Heueuh puguh-puguh tangkal cau daunna oyag-oyagan katebak angin, apan kunu keur kaédanan ku kabogoh mah pajah téh si manéhna ngagupayan.”
“Hahaaa……”
“Tragédi sarua éta gé nya Bah?”
“Enya, disaruakeun ku ilusi atawa hayalan ceuk basa légégna mah. Antukna nu lain dienya-enya nu enya di lain-lain jadina téh.”
“Kitu Bah?”
“Nya enya Ujin. Nu matak urang mah sagala rupa ogé kudu nalipak manéh, ulah ngimpi nu lain-lain ulah mikahayang nu sakirana moal bisa kacumponan.”
“Kitu Bah?”
“Enya Jin. Siga ayeuna urang keur usum korona ulah ngimpi nu lain-lain ulah mikahayang nu lian-lian siga keur jaman normal can aya korona.”
“Leres Bah saur gegedén WHO gé di sakuliah dunya pangaruh korona téh jadi leuwih goréng, jeung ancaman nu nyata nyaéta kasugemaan.”
“Wéy éta si Darsép nyaho WHO sagala. Naon WHO téh?”
“Angggger manéh mah ari geus belegug téh. Bisi teu nyaho WHO téh lain Wa Haji Oyib.”
“Hahaaa….”
“Ari lain mah naon atuh?”
“Si Diran gé nyahoeun, naon cenah Ran WHO?”
“Kang Oo urang Cililin, ayeuna tabuh sawelas. WHO mah yeuh Kang Ujin, pastina gé lain gelas.”
“Hahaha……”
“Sarua gélona jeung si Darsép!”
“Tah si Yaya geura nu nyahoeun mah Jin. Naon Ya ari WHO?”
“Nyata, Kang Asap, nyata. Nyata bahwa Yaya mah jalmana sagala apal. Kawas apalna kapan datangna tanggal salapan? Camkan sadayana, bahwa datangna tanggal salapan mah sabada datang tanggal dalapan. Lantas, kapan datangna tanggal dalapan? Datangna tanggal dalapan mah saacan tanggal salapan. Wasssalam!”
“Hahaaa…..”
“Nya heueuh atuh satéh Sarya salapan mah tas dalapan, dalapan saacan salapan. Ari WHO naon?”
“Mamah Raha tah yang paham mah nya Mah?”
“Teuing atuh Sarya bet nananyakeun nu kitu ka Bibi. Tanyakeun mah iraha Bibi ngadahup jeung Afgan.”
“Hahahaa…..”
“Geus Afgan deui waé si Bi Rahi mah ih. Batur nanyakeun WHO.”
“Nya ari hayang-hayang teuing mah dibéré nyaho Ujin. WHO téh Weureu Hitut Olab.”
“Hahaaaa….”
“WHO téh organisasi kaséhatan dunya Jin. Bener ceuk gegedén WHO mangkahadé urang tong talingeuh, tong abong-abong aya new normal atawa AKB atawa adaptasi kebiasaan baru, geus dimeunangkeun deui digawé jeung sajabana sabab korona can bener-bener nyingkah!”
“Protokol kaséhatan kedah diperhatoskeun nya Bah, ulah protokol kasétanan.”
“Naon protokol kasétanan téh Darsép?”
“Protokol kasétanan téh Jin moal waka diterangkeun ayeuna, kecuali.”
“Kecuali naon Darsép?”
“Kecuali si Mimin kabogoh manéh dihibahkeun ka uing!”
“Hahaaa….” (lajengkeuneun) **

Baca Juga :  Oknum CPNS yang Lakukan Kecurangan Saat SKD Gunakan Modus Remote Access

M Purnama Alam

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Yosef: Soal Pembukaan Objek Wisata, Awas Jangan Melanggar

Kam Jun 11 , 2020
Silahkan bagikanmoreVISINEWS – Kepaka Dinas Pariwisata dan Budaya (Disparbud) Kabupaten Bandung, H Yosef Nugraha menegaskan akan menindak tegas pengelola objek wisata yang melanggar protokol kesehatan. “Kami sudah berkoordinasi dengan Tim Gugus Tugas Covid-19 melalui Bagian Hukum Setda untuk merumuskan ketentuan di bidang kepariwisataan terkait dengan pembatasan sosial berskala besar (PSBB),” […]