Tragédi Asbun (2)

Editor :
1


Silahkan bagikan

Rékacipta Féndy Sy Citrawarga

 

“LEBOK ka dinyah, Darsép!”
“Naon téa, Jin?”
“Naon téaaa….Pan kamari ceuk si Bah Adun, enya Sép. Alatanana mah nya tina kejemna nu ngajalankeun pulitik, lain pulitikna, di antarana ku omongan nu asal pok nu ceuk ilalaing mah asbun. Asbun téh asal bunyi lin?”
“Ceuk uing, kitu Bah? Manawi Ujin asbun téh Asép…..”
“Asép naon Ujin? Sok siah mun goréng ka dituna, ceuk manéh téh Darsép.”
“Rék dikumahakeun Darsép? Tanya uing”
“Rék dibéré hadiah, Jin, ceuk manéh deui.”
“Asyiiiik……..! Hadiah naon Sép, duit nya? ceuk uing téh ning”
“Hadiah bekok, Ujin! ceuk manéh téh.”
“Hahahaaa…….!”
“Nu matak kop wé lebok ku manéh rék ngahadiahan bekok mah.”
“Hahahaaa…..!”
“Nya ari embung hadiah bekok mah Jin. Hadiah cabok, tonjok, bin gaplok. Mau?”
“Hahahaaa…..!”
“Teuing siah Darsép, manéh mah nyiar-nyiar pinapsueun batur!”
“Siro, éh sori, Jin.”
“Teuing ah Darsép! Ké, Bah, naha seueur tokoh sareng pajabat kiwari nu asbun nya, asa bener sorangan teu ngaragap angen batur sigana téh.”
“Tina urusan pulitik téa Jin, adat hayang meunang, embung éléh, hayang loba nu biluk, hayang loba pendukung, jeung sajabana. Kangaranan hayang meunang embung éléh, nya ngaharamkeun sagala cara.”
“Ngahalalkeun sagala cara panginten, Bah?”
“Ngaharamkeun sagala cara, Sép. Ngahalalkeun sagala cara mah atuh alus, hartina sagala paripolah aya dina papagon hukum halal. Tah nu asbun mah ngaharamkeun sagala cara demi ‘kemenangan’ nu matak jadi ririweuhan, génjlong téa, mumusuhan, kesatuan jeung persatuan bangsa udar. Para tokoh, pamingpin, pajabat, publik figur nu nyarita asbun hartina ngaharamkeun sagala cara alias migawé paharaman.”
“Jero Bah.”
“Puguh wé Jin. Nu matak tong diturutan nu ngaromong asbun téh bisi jadi tragédi siga prajurit Onyon dina dongéng.”
“Alaaah….siah kumaha dongéngna Darsép?”
“Kieu, Jin. Baheula aya raja ngumpulken prajurit, sawala dines. Na atuh dut téh aya saurang prajurit hitut. Sidik hitut téh datangna ti prajurit nu ngaran Onyon. Tapi basa ditalék ku raja manéhna teu ngaku.”
“Henteu, henteu hitut kula mah Gusti,” ceuk prajurit Onyo téh bari pupurungkutan sieun sabab ceuk hukum di éta nagara sing saha nu hitut dina riungan dines karajaan baris ditibanan hukum pancung.
“Sidik datangna ti lebah manéh, Onyon!” ceuk Raja.
“Da sanés kula, Gusti, sumpah,” Onyon keukeuh nolak.
“Lamun lain manéh saha atuh?” tanya Raja téh
“Bujur, Gusti nu hitut mah, sumpah,” témbal prajurit Onyon asbun.
“Hahahaa……”
“Terus Darsép?”
“Heug, ari kitu mah kami percaya. Tapi hukum tetep kudu dijalankeun. Ku kituna, kami Sang Raja baris nibanan hukum pancung ka……”
“Ka abdi Gusti? Pan abdi mah henteu hitut nu hitut mah bujur, sing sumpah!” ceuk si prajurit Onyon asbun deui asbun deui.
“Moal, moal manéh mah Nyon, tenang wé tong sieun ari teu boga dosa mah.”
“Saha atuh nu badé dihukum pancung?”
“Bujur manéh!” ceuk Raja tandes.
Golépak prajurit Onyon kapiuhan baning soak ngabayangkeun bujurna dihukum pancung.
“Hahahaaa…….(réngsé) **

M Purnama Alam

One thought on “Tragédi Asbun (2)

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Pembacok Korban di Bawah Umur di Tangkap Polisi

Sel Nov 24 , 2020
Silahkan bagikanVISI.NEWS – Tim Resmob Satuan Reserse Kriminal (Reskrim) Polresta Bandung berhasil menangkap pelaku pembacokan seorang Anak dibawah umur, yang terjadi pada Minggu pada tanggal 15 November 2020 sekitar pukul 21.30 WIB. Tindakan kejahatan terjadi di Kebun teh PTPN VIII Rancabali tikungan Talapok Kuda, Desa Patengan, Kecamatan Rancabali, Kabupaten Bandung, […]