Aspal (1)

Editor :


Silahkan bagikan

Rékacipta Féndy Sy Citrawarga

 

“ASLI cenah Bah!”
“Naon téa Jin?”
“Sumuhun artis anu 19 detik téa, cenah saur ahlina asli lain jijieunan alias lain sakadar mirip pemeran dina vidéo nu sumebar dina médsos téh.”
“Alus wé Jin ngarah seger lalajona.”
“Darsép onaman mani dohot kanu porno téh…..”
“Na maksud uing lalajo naon Ujin?”
“Enya lalajo vidéo 19 detik téa da asli matak seger ceuk ilaing!”
“Lain éta belegug, matak seger lalajo téh lalajo kajadian nu disangka mirip tapi geuning enya hartina teu disumput-sumput alias bruk-brak.”
“Mending éling, boa-boa hujan angin.”
“Ah siah Ujin ulah wé batur bener téh.”
“Bener nyah Ujin éta téh asli?”
“Jéh Bibi mah, pan kitu ceuk dina berita gé, teu bisa ngangles deui da geus sidik aslina.”
“Deudeuh teuing….orat mani diobral sina ditempoan ku batur nya. Da Bibi mah boro-boro ditingalikeun ka batur, ku sorangan gé tara ditingalian padahal asli.”
“Hahaaa……”
“Naha Bi?”
“Bosen.”
“Hahaaa….”
“Naha dugi ka kitu nya Bah?”
“Lah, teu anéh barudak bongan urang hirup wawuh jeung jelema sadunya katut budayana. Tah budayana nu matak nyilakakeun téh, enya budaya sarwa boléh, sarwa bebas, teu maké papagon hirup boh susila boh agama!”
“Kitu Bah?”
“Enya Jin. Da cacak hirup tunduk patuh kana aturan, pangpangna aturan agama, najan kumaha rongkahna budaya deungeun datang ka urang, pasti moal kajadian tabrakan. Alatan teu taat kana aturan, jaman kiwari mah loba nu tabrakan.”
“Tabrakan Bah?”
“Enya tabrakan Jin, tabrakan hirup gaya barat jeung papagon agama atawa adat urang timur. Buktina nu kikituan lain ukur mirip, geuningan nu asli. Enya ari seger lalajona mah siga ceuk si Asép tadi sabab hakékatna éta téh jelema jujur, tapi nu alus mah lain jujur dina kagoréngan euy sabab dihenteu-henteu gé ngawiwirang diri sorangan alias euweuh kaéra. Jelema asli geus euweuh kaéra, angot jelema palsu.”
“Na aya kitu jalmi palsu Bah?”
“Nya aya malah loba Jin. Pangpangna palsu dina paripolahna”
“Jero deui waé yeuh si Abah.”
“Ngeunah Ujin nu jero mah.”
“Hahaaa……”
“Naon nu ngeunah jero téh Bi Rahi? Mani kacida nya.”
“Tong sok nyangka nu lain-lain Ujin. Bibi mah nyarita ngeunah jero téh ngeunah saré di jero simbut keur usum tiris, jadi haneut……”
“Oh…..di jero simbut. Manawi téh jero……”
“Jero naon Ujin? Sok siah mun teu disebutkeun terus terang?”
“Rék dikumahakeun Bi?”
“Rék dicium, Ujin.”
“Asyiiiik…..sok atuh!”
“Kadieukeun Bah tah bedog urang dipaké nyium biwir si Ujin.”
“Hahaaa………!” (lajengkeuneun) **

M Purnama Alam

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

RUMAH ALLAH: Kapankah Rekaman Azan Tertua di Masjidilharam?

Ming Nov 29 , 2020
Silahkan bagikanVISI.NEWS – Kumandang azan tertua di MasjidilhHaram telah menjadi catatan sejarah yang sangat bernilai. Azan tersebut direkam seorang sarjana budaya asal Belanda ratusan tahun lalu. Melansir ihram.co.id dari Iqna.ir pada Kamis (26/11/2020), kumandang azan di Masjidilharam untuk pertama kalinya direkam sekitar 140 tahun lalu. Ialah seorang sarjana studi oriental […]