Laba (1)

Jangan Lupa Bagikan

Rekacipta Fendy Sy Citrawarga

 

“SAKEDAP deui nya, Bah.”
“Karék gé tabuh sawelas Jin, nya lila kénéh.”
“Muhun ka tajil mah. Ieu mah…..”
“Kana kawin, Jin? Ké heula ulah waka kawin moal ramé aya korona mah .”
“Saha nu rék kawin Darsép?”
“Heueuh ilaing, lin?”
“Nyanyahoanan, ah.”
“Ari enggeus naon atuh, Jin?”
“Ka lebaran, Darsép.”
“Oh lebaran? Nya sarua jauh kénéh, Jin, puasana gé karék sawelas poé.”
“Naon satéh Darsép puasa karek sawelas poé? Tepi ka poé Senén tanggal 18 Méi téh geus 25 poé.”
“Enya sawelas poé tambah opatlas poé pan dijumlahkeun jadi duapuluh lima poé, Surjin!”
“Hahaha……”
“Darsép gejul! Geus boga naon keur lebaran ilaing Ran?”
“Ka Banjaran ngadon ulin, bari leumpang dahar emping. Diran mah yeuh Kang Ujin, lebaran geus boga teuing.”
“Haaar….naha geus boga teuing?”
“Ka Dayeuh rék meuli lilin, kadieukeun éta ketan. Apan enya yeuh Kang Ujin, sok sieun padaméntaan.”
“Hahaaaa…..”
“Beu, si Diran, aya kituna. Kop wélah kawas boga naon wéh mani sieun dipénta. Ari ilaing geus boga naon keur lebaran, Ya?”
“”Yaya mah nya Kang Ajan, mapag awal Syawal ngan aya kahayang.”
“Karék boga kahayangg cenah Jin.”
“Heueuh bener Darsép. Cik hayang naon waé Sarya?”
“Hayang sadayana jalma balabah ka Yaya. Amsal, Kang Ajan ka Yaya balabah mahanan makanan. Kang Asap, balabah mahanan sandang. Mamah -mamah balabah mahanan martabak.”
“Martabak naon Ya?”
“Nya martabak mamah-mamah Kang Ajan, masa martabak bapa-bapa?”
“Hahaaa…..”
“Si gejul!”
“Dupi Bi Rahi tos gaduh naon keur lebaran?”
“Ngan sarupa nu teu boga téh Ujin, Bibi mah.”
“Kuah-kuéh, atos?”
“Geus aya tutung-tutung gé kuéh mah.”
“Daging hayam keur oporeun atawa kumeuli kentang kanggo numis?”
“Geus aya nu kitu mah Ujin meunang nganjuk-nganjuk ogé.”
“Kabaya, cindung, sinjang?”
“Geus aya nu kitu mah Ujin, urut lebaran kamari- kamari gé weuteuh kénéh jaba sareungit.”
“Geuning sareungit kénéh?”
“Apan can dicokot di toko kénéh ngadagoan duitna.”
“”Hahaha…..”
“Ari nu sarupa nu teu kagungan, naon?”
“Pendamping hidup alias salaki, Ujin, can boga keur lebaran téh….”
“Hahahaa…..”
“Deudeuh teuing…..sing sabar wé Bi. Jangan bersedih hati lebaran tanpa suami, asal aya tumis wé…lah.”
“Ah moal mesra Ujin ngadahar tumis tanpa didampingi pria berkumis mah…..”
“Hahaaa…….!”
“Dupi Abah tos kagungan naon mayunan lebaran?”
“Boga prihatin wé Abah mah Jin.”
“Kutan?”
“Teu rék prihatin kumaha Jin. Lebaran taun ieu karasana ku Abah mah matak enek gara-gara korona. Rék mudik, aya nu ngameunangkeun aya nu ngulah-ngulah. Solat sunat Id aya nu ngameunangkeun di imah aya nu ngudukeun di lapangan….”
“Muhun nya Bah, teras badé kumaha atuh Bah badé kulem waé?”
“Hahaaa….”
“Kumaha bréhna wé Jian ah.”
“Saé, atuh ari kitu mah. Ari manéh Darsép geus boga naon keur lebaran.”
“Geus boga laba, Jin.”
“Hébat, diam-diam horéng ilaing tukang balantik. Balantik naon Darsép?”
“Balantik belentuk cantik, Jin.”
“Hahahaa……!” (lajangkeuneun) **

One thought on “Laba (1)

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Yurianto Ingatkan Pembawa Virus Masih di Tengah kita, Jangan Mudik

Ming Mei 17 , 2020
Jangan Lupa BagikanJuru Bicara Pemerintah untuk Penangangan Covid -19 Achmad Yurianto./antara. VISI.NEWS – Juru Bicara Pemerintah untuk Penangangan Covid -19 Achmad Yurianto menegaskan bahwa pembawa virus corona tipe baru masih berada di tengah-tengah masyarakat tanpa diketahui gejalanya dan berpotensi menular saat seseorang memilih mudik. Yurianto saat menyampaikan keterangan pers di […]

Baca Juga