Néangan (3)

Jangan Lupa Bagikan

Rékacipta Féndy Sy Citrawarga

 

“NÉANGAN picilakaeun manéh mah Ya.”
“Naon téa Jin?”
“Heueuh kamari Darsép ceuk si Yaya téh ning, tah sabada ngadahar martabak sabalad-balad, kakara bakal nandasa Kang Ajan.”
“Hahaaa…..”
“Alus Ya lah tuman teuing, ceuk manéh téh. “
“Ah siah Darsép, ceuk uing.”
“Ku naon nandasana Ya? tanya manéh.”
“Parang, Kang, ceuk si Yaya.”
“Ceuk manéh, parang nyangsang kana tarang nya Ya?”
“Ceuk si Yaya, parangkul-rangkul sama parawan anakna tatangga, Kang!”
“Hahaaa……”
“Enya bener bahaya Jin.”
“Bahaya nya Bi?”
“Enya bahaya sabab parangkul-rangkul jeung parawan anak tatangga, mun jeung Bibi mah moal.”
“Hahaa……”
“Kahayang.”
“Lain ku kitu pan ayeuna téh heueuh keur usum korona, nya Bah? Pan kudu jaga jarak téa jeung saha jeung saha gé.”
“Enya Bi. Ceuk Abah gé barudak néangan téh cecekelan hirup unggal manusa. Sagala rupa nu ku urang dipigawé éta téh keur néangan. Tina néangan aya dua kamungkinan, salamet jeung cilaka.”
“Dua kamungkinan, Bah?”
“Enya Jin. Mun urang hirup hayang salamet nya téangan kasalametan, mun hayang cilaka nya téangan kacilakaan. Mun néangan salamet tapi cilaka, éta takdir ngaranna. Mun néangan cilaka tapi salamet untung ngaranna.”
“Duh, jero Bah.”
“Hampura, sangkan ngarti Jin.”
“Contona néangan salamet tapi cilaka Bah?”
“Kamarii ieu di Tol Cipali aya mobil cilaka, 7 urang tiwas. Nu tarumpak mobil pasti néangan salamet, tapi kabuktian cilaka. Éta takdir, teu bisa disingkahan. Da cacak lamun nyaho bakal cilaka mah pasti moal tarumpak élef.
“Leres wé nya Bah.”
“Enya Jin.”
“Dupi nu néangan cilaka, tapi untung atanapi salamet?”
“Urang nyokot conto jaman Nabi Jin. Harita Umar bin Khotob katotol jawara gerot, ceuceub pisan ka Islam. Hiji waktu anjeunna nguping wargi awéwéna asup Islam. Ngagidir tah, laju ngajorag imah dulur awéwéna téa, barang ka dinya enya wé dulur awéwéna téh ker maca Alquran. Nu tadi-tadi kayid rék nandasa dulurna, manah Umar ujug-ujug ngaleketey barang nguping eusi ayat-ayat Alquran nu matak kataji. Bolay tah nandasa dulurna téh, malah anktuna mah nepangan Nabi, lebet Islam, janten mualaf. Kitu tah Jin.”
“Alhamdulillah nya Bah.”
“Enya kitu Jin. Néangan cilaka rék nandasa, meunang hidayah, kasalametan, jeung kauntungan.”
“Upami kitu mah mending milarian cilaka tapi salamet sapertos Umar bin Khotob nya Bah?”
“Hahaa…..”
“His, lain kudu kitu Jin. Urang tetep kudu ihtiar néangan kasalametan, pasti hasilna salamet. Kadar éta aya nu kalah meunang musibat, pan takdir ngaranna gé di luar kamampuh jelema.”
“Da teu kabéh nu néangan cilaka tapi salamet atawa untung atuh Ujin. Lolobana mah nu néangan cilaka, buahna nya cilaka siga si Komod.”
“Si Komod Darsép?”
“Enya Jin. Si Komod néangan cilaka meunang cilaka.”
“Kumaha lalakonna?”
“Siap Jinlah ngan isukan wé nya ayeuna mah uingna rék néangan heula….”
“Néangan naon Darsép?”
“Néangan nu euweuh da nu aya mah teu kudu ditétéangan!”
“Hahaa……” (lajengkeuneun) **

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Perlombaan Senjata Masif Pasca AS Keluar dari Perjanjian Nuklir

Rab Agu 26 , 2020
Jangan Lupa BagikanVISI.NEWS – Apa sebenarnya yang dicari oleh negara-negara yang merasa menjadi super power dengan kekuatan militernya yang dianggap super canggih? Di satu sisi mereka inilah yang sering teriak pentingnya menciptakan perdamaian yang berazaskan pada kesetaraan dan keadilan, namun di sisi lain, dominasi syahwat kekuasaan tampaknya lebih menonjol yang […]