Paheuras-heuras (1)

Silahkan bagikan

Rékacipta Féndy Sy Citrawarga

 

“TEU ramé ayeuna mah nya?”
“Keprok hayang ramé mah Ujin.”
“Angger, moal ramé, Darsép.”
“Naon nu teu ramé téh Ujin?”
“Kampanyeu pemilu, Bah.”
“Oh…pilkada Jin? Enya sakeudeung deui urang Kabupaten Bandung jeung daérah séjénna pancegna mah tanggal 9 Desember 2020 rék marilih calon pamingpin daérahna, aya bupati aya wali kota, katut wakilna. Tah ayeuna téh keur ngeureuyeuh kampanyeu.”
“Leres, Bah, tapi kampanyeuna teu ramé.”
“Teu ramé téh teu ramé kumaha Ujin? Mani keukeuh nyebut teu ramé?”
“Teu paheuras-heuras, Bi.”
“Nya moal paheuras-heuras atuh Ujin da calonna gé di Kabupatén Bandung mah aya kaom istri. Enya apan aya Téh Nia sareng Téh Yena!”
“Haaaar…..itu geura. Ari kitu ceuk Bibi paheuras-heuras naon?”
“Nya naon deui atuh Ujin nu heuras mah iwal ti……piraku teu ngarti? Kudu jéntré waé manéh mah Ujin. Hayang jéntré mah sok buka tah kolor!”
“Hahaaaa……..!”
“Ngaco, Bi Rahi mah! Paheuras-heuras téh lain nu kitu patut, tapi paheuras-heuras nyarita ngarah rahayat katajieun. Kitu nya Bah?”
“Enya Jin. Pan ayeuna mah dilarang kampanyeu terbuka siga tiheula-heula sabab ayeuna mah keur usum sasalad, korona téa. Para pamilon alias calon téh cukup kampanyeu onlén atawa dina ayana riungan gé ulah leuwih ti 50 urang….”
“Kitu Bah?”
“Enya Jin, wayahna kudu ditarurut.”
“Pami aya kénéh acara riungan atuh tiasa kénéh paheuras-heuras nya Bah?”
“Nya bisa Jin. Pék rék paheuras-heuras nyarita nerangkeun program naon nu rék dilaksanakeun lamun kapilih jadi bupati jeung wakil bupati.”
“Sok nu aralus waé nya programna téh ari keur kampanyeu mah.”
“Nya enya atuh Ujin. Moal enya aya program kampanyeu lamun sayah kaplih jadi bupati sayah rék nyandung, sok ngaracung saha nu hayang dicandung!”
“Hahaaaa…..”
“Gélo siah Darsép.”
“Janten, nalika kampanyeu mah program téh kedah diheuraskeun nya Bah?”
“Puguh wé Jin.”
“Diheuraskeun téh keur lalaki Ujin.”
“Ari awéwé, Bi?”
“Dipeungkeurkeun!”
“Hahahaaa……!” (lajengkeuneun) **

Baca Juga :  DPD PKS Bandung Tetap Solid Dukung Paslon "Bedas"

M Purnama Alam

One thought on “Paheuras-heuras (1)

Tinggalkan Balasan

Alamat email Anda tidak akan dipublikasikan.

Next Post

19 Masjid dan Musala di Bogor Turut Terdampak Banjir

Ming Okt 25 , 2020
Silahkan bagikanVISI.NEWS – Bupati Bogor, Ade Yasin menyebutkan bahwa sebanyak 19 masjid dan musala ikut terendam banjir akibat luapan Sungai Cileungsi di Desa Bojongkulur, Kecamatan Gunungputri, Kabupaten Bogor, Jawa Barat. “Fasilitas umum yang terdampak banjir seperti 19 masjid dan mushala. Kemudian Sekolah Akbid Bunda Auni, Sekolah Daarel Salam, Sekolah Bunda,” […]