Paheuras-heuras (2)

Jangan Lupa Bagikan

Rékacipta Féndy Sy Citrawarga

“NAON nu dipeungkeurkeun téh Bi?”
“Na kumaha kitu Ujin?”
“Jéh, pan ceuk uing kamari, janten nalika kampanyeu mah program téh kedah diheuraskeun nya Bah?”
“Puguh wé Jin, saur si Abah.”
“Diheuraskeun téh keur lalaki Ujin, ceuk Bibi kamari.”
“Ari awéwé, Bi, tanya uing téh?”
“Dipeungkeurkeun, ceuk Bibi téh. Naon nu dipeungkeurkeun ku awéwé? Asa teu nyambung jeung urusan pilkada!”
“Oh éta Ujin. Nya nyambung atuh. Heueuh, maksudna mah pamilon istri dina kampanyeu pilkada téh program-programna kudu dipeungkeurkeun, sabab nu peungkeur mah raos.”
“Raos Bi?”
“Enya ngeunah Ujin. Sok wé lamun manéh dahar leupeut ngeunah nu peungkeur ngeunah nu beyé?”
“Oooh…kitu maksudna Bi?”
“Enya ka dinya. Ari ceuk Ujin naon kitu nu peungkeur téh?”
“Manawi téh leupeut…..”
“Hahaaa…….!”
“Nu pentingna mah boh program nu diheuraskeun boh nu dipeungkeurkeun, éta téh jangji para pamilon anu lamun kapilih wajib dilaksanakeun.”
“Kitu, Bah?”
“Nya enya atuh Ujin da ari ukur diheuras-heuras dipeungkeur-peungkeur tapi taya buktina mah bakal kuciwa rahayat téh.”
“Leres, Bah. Utamina mah modal kajujuran nu diperyogikeun ku rahayat jaman ayeuna mah da rahayatna geus palinter”
“Tah kitu, enya Sép bener pisan.”
“Nu jujur nalika paheuras-heuras mah bakal kapilih ku putri.”
“Naon maksudna satéh Darsép los-los kapilih ku putri sagala?”
“Baheula Jin, aya putri cenah hayang boga salaki nu parabotna pangheurasna. Atuh der wé raja téh ngayakeun saémbara paheuras-heuras parabot lalaki.”
“Alah siah, terus Darsép?”
“Tina sakitu nu daptar, dina babak final kapilih tiluan Jin, nyaéta saurang aki-aki, lalaki kolot, jeung saurang nonoman. Tiluanana maraké sarung, diabenkeun di payuneun putri.”
“Beu! Teus?”
“Enya Jin. Aki-aki katingali bobogaanana nya heuras nya panjang aya kana sasikuna.”
“Yéééééy!”
“Ku naon Bi?”
“Kabita, Ujin.”
“Hahaaa……!”
“Terus, Darsép?”
“Tah nu lalaki kolot Jin, nya heuras nya bedegul panjangna kira satengah siku.”
“Lumayan.”
“Naon nu lumayan téh Bi?”
“Éta nu satengah siku bedegul, Jin.”
“Hahahaaa…..”
“Beuki lieur si Birahi. Terus ari budak ngora Darsép?”
“Tah nu budak ngora mah panjang heurasna kurang ti sajeungkal.”
“Atuh meureun nu meunang téh aki-aki nyah?”
“Justru éta teu kapilih, Jin. Nu kapilih ku putri téh nya si pamuda sabab jujur.”
“Jujur Darsép?”
“Enya jujur, sabab barang dibuka téh gagaduhan éta si pamuda asli, ori, alias orisinal!”
“Ari nu lalaki kolot?”
“Barang dibuka téh parabot lalaki kolot mah heurasna dibantuan ku cau ambon.”
“Ari parabot si aki-aki?”
“Heurasna ditumbu ku panakol bedug!”
“Hahahaaa…….!” (réngsé) **

One thought on “Paheuras-heuras (2)

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Tiga Titik ini Fokus Satlantas Polresta Bandung Saat Libur Panjang

Sen Okt 26 , 2020
Jangan Lupa BagikanVISI.NEWS – Jajaran Satuan Lalulintas Polresta Bandung akan menerjunkan ratusan personel untuk mengantisipasi kemacetan yang terjadi di beberapa titik di wilayah Kabupaten Bandung, Jawa Barat. Kapolresta Bandung Kombespol Hendra Kurniawan melalui Kasat Lantas Polresta Bandung Kompol Rd. Erik Bangun Prakasa mengatakan sebanyak 150 personel dari Satlantas, juga dibantu […]