Si Omni Bus Law (2)

Jangan Lupa Bagikan

Rékacipta Féndy Sy Citrawarga

“SOK buru kumaha dongéngna Darsép?”
“Naon téa, Jin?”
“Naon kénéh waé ari manéh Darsép? Éta si Omni Bus Law nu keur didarémo!”
“Teuing atuh.”
“Haaar…éta si Darsép. Kudu dikumahakeun ari mangkeluk modél kieu, Ran?”
“Dina kantong aya cangkang, cangkang mangga ti Ceu Aay. Tong asa-asa yeuh akang, mangga tinggang ku kalakay.”
“Moal gé nyerieun atuh Diran?”
“Kalakayna tina beusi.”
“Ah ngaco, siah Diran. Kudu dikumahakeun Ya?”
“Jangan asa-asa bawa ka parawan.”
“Ngeunah atuh dibawa ka parawan mah?”
“Parawan macan, Kang Ajan.”
“Hahaaa…..!”
“Ngararaco. Buru Darsép jelaskeun naha si Omni disebut Omni Bus Law?”
“Kieu lalakonna téh Jin pangna si Omni disarebut Omni Bus Law téh….”
“Heueuh, terus?”
“Pan nyaho saréréa gé lin si Omni mah alus laur hadé tangtung alias kasép da puguh aya teureuh ménak cenah, jaba dulur lurah nu keur kawasa. Nu matak teu anéh loba awéwé kapéngpéongan. Keur mah eukeur si Omnina pamuda cunihin teu kaop dilayanan ku awéwé rasa manéh Arjuna. Apal manéh Ceu Hilan?”
“Enya nu nyelap dina huntu.”
“Nu kitu mah ceuhil sableng. Ceu Hilan, randa urang Cikiripik, apan mani tokblak ngomong cenah gagaduhan Cép Omni mah suruntul begu solontod bogo.”
“Minggeus Darsép tong diteruskeun!”
“Naha Bi?”
“Kabita kunu nyuruntul kawas begu solontod kawas bogo, tada teuing pelemna.”
“Hahaaaa…….!”
“Béja pabéja-béja loba awéwé nu hayang kadatangan Jin. Nu matak asa dilayanan. Antukna si Omni mah kitu wé peuting-peuting bus ka imah randa terus néangan lawang.”
“Lawang naon Darsép?”
“Nya mimitina mah néangan lawang imah Jin, panto téa ngaranna, terus lawang kamar. Geus di jero kamar jeung randa téh néangan kénéh lawang, euy!”
“Lawang naon deui?”
“Mani teu ngarti nya si Ujin. Kudu jéntré waé manéh mah, lawang ieu yeuh…..!”
“His. éta nanaonan rék muka samping sagala Bi Rahi!”
“Hahaaaa…..’
“Rék ngajéntrékeun ka si Ujin, Bah, enya ngajéntrékeun lawang nu ditétéangan ku si Omni.”
“Enya ngarti lah Bi.”
“Tah kitu lalakonna téh Jin nu matak katelah si Omni Bus Law téh. Enya mindeng bus ka imah randa terus bus deui kana lawang…..”
“Lawang naon Darsép?”
“Lawang ieu Ujin ieu yeuh.”
“Yéy éta geus rék muka samping deui, ulah Bi. Perboden!”
“Hahaaaaa….”
“Ari pangna didarémo, Darsép?”
“Nya pantes wé atuh didarémo boh ku bapa-bapa boh ku ibu-ibu gé Jin. Ngan béda-béda alesan. Alesan bapa-bapa mah cenah si Omni kudu diwarah da sangeunahna bas-bus ka imah randa, jaba ti kitu cenah bapa-bapa téh sirik sabab pamajikanana loba nu ménta ka bapa-bapa sangkan parabotna diasah siga gagaduhan si Omni nu suruntul begu solontod bogo.”
“Beu, aya kituna nya!”
“Enya, Jin.”
“Ari ibu-ibu naon alesanana?”
“Loba nu teu balaka, Jin.”
“Haaar…?”
“Nyéta kitu Jin, ngan basa aya wartawan nu nyeleksek, aya ibu-ibu nu balaka.”
“Kumaha jawabna Darsep?”
“Si Ibu-ibu téh ngaharéwos. Ibu-ibu démo téh ngabéla si Omni Bus Law.”
“Naha dibéla? ceuk wartawan.”
“Can kagiliran, panasaran, hoyong ngaraosan suruntul begu solontod bogona.”
“Hahaaaa………!” (réngsé) **

One thought on “Si Omni Bus Law (2)

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Umrah Tahap Kedua Dibuka untuk 250.000 Jemaah Dalam Negeri

Sen Okt 12 , 2020
Jangan Lupa BagikanVISI.NEWS – Sebanyak 250.000 jemaah haji dalam negeri akan diizinkan untuk melakukan umrah pada tahap kedua sebagai bagian dari dimulainya kembali secara bertahap haji dan kunjungan ke Dua Masjid Suci mulai Ahad (18 Oktober). Para jemaah juga akan diizinkan mengunjungi Rawdah Sharif dan area masjid tua di Masjid Nabawi […]