Rékacipta Féndy Sy Citrawarga
“DAMANG, Bah?”
“Saé, Jin.”
“Damang, Bi?”
“Meujeuhna, Ujin.”
“Cageur, Ya?”
“Hamdallah, Kang.”
“Cageur, Ran?”
“Cai keur ditaheur dina rantang, cageur Kang!”
“Nya sukur ari calageur mah.”
“Ari uing moal ditanya, Ujin?”
“Teu kudu ditanyakeun Darsép, pan sidik ngajegir, atra ngadayagag.”
“Si gélo. Nya atuh basa-basi wé Ujin da kitu peta téh matak nyeri haté.”
“Nyeri haté kumaha Darsép?”
“Nya nyeri haté ari batur ditanyakeun ari uing henteu.”
“Nya heug atuhlah, cageur Darsép?”
“Kadeuleuna?”
“Hahaaaa………..!”
“Mani kaduhung nurut aing!”
“Hahaaa…..”
“Sanés, ari Abah tos ti mana waé jol kereles wéh, HEURAS teu némbongan dina VISI.NEWS?”
“Geus kolot Jin, tara heuras ayeuna mah.”
“Naon nu tara heuras geus kolot téh, Abah?”
“Piraku Bi Rahi teu ngarti?”
“Nu matak naroskeun ogé.”
“Nyéta pangna teu nyieun HEURAS dina VISI.NEWS téh geus kolot mah sok gancang capé, istirahat heula.”
“Heuheuy deuh, manawi téh nu tos teu heuras téh cocooan si Ambu, Bah?”
“Éta mah geus puguh deui teu kudu dicaritakeun, Bi.”
“Hahahaaa…..”
“Palay cénghar deui nyah?”
“Puguh wé da gedé kénéh kahayang mah, “
“Hahaaaa……”
“Alus, yap kadieukeun.”
“Jih, rék dikumahakeun Bi? Ké nyarékan si Ambuna!”
“Urang prékprék ku mutu Ujin, piraku teu ngabugigag deui.”
“Hahahaaa…..”
“Ih, ulah karunya kaning cocooan si Abah mah bageur, nya Bah?”
“Puguh wé Sép. Tara luar-léor da teu kaop culang-cileung kanu séjén, sok gancang disintreuk ku si Ambu.”
“Nya enya ari katingalieun ku si Ambu mah, ari teu katingalieun mah damang wé…..!”
“Jih, Bi Rahi mah sok gagabah. Bararaid, ah.”
“Enya percaya bageur si Bah Adun mah, manasina si Omni.”
“Si Omni Darsép?”
“Heueuh si Omni, apan katelahna gé si Omni Bus Law, Jin. Keur didarémo.”
“Alah siah, si Omni Bus Law keur didarémo, Darsép?”
“Heueuh.”
“Sok atuh geura dongéngkeun kumaha caritana?”
“Isukan wé, Jin.”
“Ari ayeuna matak naon Darsép?”
“Matak weureu, bahaya.”
“Hahaaa…..” (lajengkeuneun) **
