Sidik Pisan (3)

Silahkan bagikan
Rekacipta Fendy Sy Citrawarga

 

“ATUH naha ibu-ibu téh nya mani téga.”
“Téga kumaha, Jin?”
“Sumuhun mani teu malésér lipen setip gara-gara korona? Padahal mah nganggo wé keur nu di bumi.”
“Tuda teu enjoy Ujin dangdan sataker kebek ukur keur nu di imah mah, angot jaman now.”
“Kumaha tah Bah?”
“Kumaha-kumaha Jin?”
“Sumuhun éta kasauran si Bi Rahi cenah teu enjoy dangdan sataker kebek ari ukur keur nu di bumi mah.”
“Ceuk pamanggih Abah mah kumaha niatna wé Jin. Mun niat dangdan sataker kebek téh keur ngagoda lalaki séjén terus salingkuh, sidik pisan goréng patutna. Lamun dangdan sataker kebek téh keur némbongkeun yén manéhna istri piaraan, sidik alusna.”
“Abah onaman, istri piaraan sidik alusna kumaha?”
“Nya alus nandakeun bener-bener dipiara ku salakina, Jin.”
“Oh kitu Bah. Dupi Bi Rahi niatna kumaha?”
“Nya ari dangdan sataker kebek mah niatna sangkan Bibi dibilang cantik dan séksi Ujin. Terus Bibi diculik. Yéy sugan mah sidik pisan bagjana.”
“Diculik, bagja?”
“Bagja Ujin sabab nu nyulikna, Afgan.”
“Hahaa….”
“Geus teu balég deui waé si Bi Rahi mah.”
“Mani téga nya Bah?”
“Naon téa Sép?”
“Éta sakitan nu nyiram air raksa kana raray penyidik KPK Novél Baswédan téa?”
“Oh enya bener Sép keur ramé jadi kacapangan pédah ukur ditibanan hukum bui sataun.”
“Leres Bah. Padahal cacat permanén alias saumur-umur nya.”
“Bener Sép, tapi cenah ceuk sakitanana teu ngahaja rék nyilakakeun.”
“Teu ngahaja, Bah?”
“Enya Jin, satadina mah ukur méré pelajaran. Duméh ngarasa sirik kana ketak Novél di KPK.”
“Moal enya teu ngahaja rék nyilakakeun ngabanjurkeun air keras, pan sidik pisan air keras mah ngabahayakeun, nya Bah?”
“Bener Jin, jeung dibanjurkeunana gé kana beungeut lain kana suku.”
“Leres Bah. Tah upami nu dibanjurkeunana cai biasa, tong boro ukur kana tuur kana raray gé paling ukur baseuh moal matak kana soca.”
“Enya Jin. Puguh saréré gé garogodeg. Tanpa daksa saumur-umur ukur ditibanan hukum bui sataun, éstu sidik pisan teu adilna.”
“Teu béntén ti kalakuan si Opid Bah.”
“Si Opid, Darsép?”
“Enya Jin.”
“Kumaha lalakonna Darsép? Manéh mah aya wé dongéng téh.”
“Enya Jin.”
“Enya sok dongéngkeun!”
“Heueuh si Opid téh dipénta tanggug jawab ku si Inah kabogohna pédah buah kalakuanana silih pacok jadi budak.”
“Alah siah?”
“Enya Jin. Ceuk si Inah téh, Kang beuteung abdi eusian, Akang kudu tanggung jawab, kawin abdi ulah kawin jeung cucunguk.”
“Ngeunah atuh, Darsép. Diajak kawin mah.”
“Ngeunah kumaha Ujin. Si Opidna kéképéhan embung tangung jawab, heueuh ngawin da teu ngahaja nyieun budak cenah kikituan téh. Puguh wé si Inah teu ngeunah.”
“Akang mah teu rumasa jeung teu ngahaja nyieun budak Inah,” ceuk si Opid téh.
“Gélo éta si Opid. Pajah teu ngahaja nyieun budak, ari nu disemprotkeun cai pibudakeun. Mun cikiih mah kaharti.”
“Hahaaa….”
“Bener Jin gélona gé gejul.”
“Terus kumaha atuh Darsép?”
“Nya ditanya deui ku si Inah, lamun lain keur nyieun budak rék nyieun naon atuh sia téh Sorpid?”
“Nyieun ngeunah, Inah!’
“Hahaaaa……!” (lajengkeuneun) **

Baca Juga :  Stadion Wembley Izinkan 60 Ribu Penonton pada Semifinal dan Final Euro

M Purnama Alam

Tinggalkan Balasan

Alamat email Anda tidak akan dipublikasikan.

Next Post

Hidup Dilingkungan Keluarga "Rock 'n Roll', Putra Ron Wood ini Nyaris Tewas oleh Serangan Jantung

Rab Jun 17 , 2020
Silahkan bagikan Dibesarkan oleh Rolling Stone hampir membunuh saya: Jamie Wood, putra Ronnie dan Jo mengungkapkan bagaimana ia ditarik ke dunia bintang rock itu sejak kecil – menggunakan narkoba pada usia 14 – dan akhirnya memicu serangan jantung yang hampir fatal pada usia 42 VISI.NEWS – Terkikik-kikik di lapang rumput […]