Tragédi Asbun (1)

Editor :
1


Silahkan bagikan

Rékacipta Féndy Sy Citrawarga

“GÉNJLONG, nya Bah?”
“Ngeunah Jin. Komo jeung sangu haneut karo lauk asin sambel ledok mah.”
“Naon nu ngeunah téh Darsép, jol celengkeung ngomong, asbun pisan!”
“Ongkoh nanyakeun, dijawab kalah nyarékan manéh mah asbun pisan Ujin!”
“Hadeuh, geus garéték yeuh peureup. Nya heueuh atuh ari batur nanya kudu dijawab, lain kudu dicabok!”
“Enya naha atuh?”
“Pan uing mah nanya téh ka si Abah tadi gé, jol celengkeng wé manéh nu ngajawab bari asbun!”
“Nya teu asbun atuh Ujin pan ceuk manéh téh sélong. Nya naon deui atuh sélong mah ari lain kadaharan nu baris pelem lamun dipaké deungeun sangu kayaning sangu haneut karo lauk asin sambel ledok.”
“Gélo! Uing mah lain ngomong sélong, tapi génjlong, génjlong, génjlong Darsép. Heueuh kaayaan nagara urang kiwari keur mah eukeur riweuh nyanghareupan korona, der nambahan kariweuh ku silih goréngkeun, silih salahkeun, ceuk nu saurang kitu ceuk nu saurang kieu……!”
“Mun ti tatadi atuh Ujin, génjlong kituh!”
“Hahahaaa……!”
“Darsép gejul!”
“Kumaha tah Bah ningan nagara urang mani taya reureuhna tina kaayaan ririweuhan?”
“Nya teu kumaha Sép da kieu kanyataanana. Ngaranna gé jelema, teu pangkat naon teu jabatan naon, teu cacah teu somah, teu rahayat teu pajabat, angot dina urusan pulitik mah tangtu bakal riweuh salalawasna.”
“Kejem pulitik mah nya Bah!”
“Kejem kumaha Sép?”
“Muhun nyieun ririweuhan waé.”
“Saenyana lain pulitik nu kejem Sép, pulitik mah sakadar alat, bisa mangpaat bisa madorot, kumaha wé bedog. Mun bedog dipaké ngala suluh nya meunang suluh katut mangpaatna, mun dipaké ngadék tarang batur, nya jadi urusan!”
“Kitu, Bah? Dupi ririweuhan di nagara urang kiwari alatan tina naon Bah?”
“Enya Sép. Alatanana mah nya tina kejemna nu ngajalankeun pulitik, lain pulitikna, di antarana ku omongan nu asal pok nu ceuk ilalaing mah asbun. Asbun téh asal bunyi lin?”
“Kitu Bah? Manawi Ujin asbun téh Asép…..”
“Asép naon Ujin? Sok siah mun goréng ka dituna.”
“Rék dikumahakeun Darsép?”
“Rék dibéré hadiah, Jin.”
“Asyiiiik……..! Hadiah naon Sép, duit nya?”
“Hadiah bekok, Ujin!”
“Hahahaaa…….!” (lajengkeuneun) **

M Purnama Alam

One thought on “Tragédi Asbun (1)

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Ratusan Jemaah Hadiri Haol ke-43 Mama Hujung Leles Garut

Sen Nov 23 , 2020
Silahkan bagikanVISI.NEWS – Acara Maulid Nabi Muhammad SAW dan Haol ke-43 Mama Hujung (KH Hasan Syadzily) di Kampung Hujung, Desa Cipancar, Kecamatan Leles, Kabupaten Garut, berlangsung meriah. Ratusan jemaah terutama para alumni Pesantren Hujung dari berbagai kota/kabupaten hadir di acara tersebut. Ketua panitia pelaksana kegiatan, Ustadz Taufiq, mengatakan bahwa dalam […]