Tragédi Mahugi (3)

Jangan Lupa Bagikan
Rékacipta Féndy Sy Citrawarga

 

“MUN lain ka babaturan.”
“Naon téa, Jin?”
“Heueuh manéh, Darsép. Geus dicabok teu eureun-eureun.”
“Haaar…na pédah naon?”
“Pédah naon. Pan ceuk manéh kamari, da leres Bah, malah bakating ku bro-broan Mang Doyot mah meunang tragédi mahugi.”
“Ceuk uing, alah siah, na enya nyah Darsép?”
“Bener Jin, ceuk manéh téh.”
“Sok atuh geura dongéngkeun, uing aya paménta.”
“Isukan wé Jin ayeuna mah uingna rék jajan heula rék milu? tanya manéh.”
“Embung ah, kateuteuari kudu mayar sorangan, ceuk uing téh.”
“Ku uing mayarna mah, Jin, ceuk manéh.”
“Enyaan? tanya uing.”
“Ceuk juragan sia, sing demi keun nu mayar mah uing ngan duitna ti manéh.”
“Hahahaaa……”
“Kitu-kitu waé manéh mani belikan. Wajar wé atuh uing nu ngajak jajanna, manéh nu mayarna da jeung babaturan, harta téh ulah dikeukeuweuk ku sorangan heug bagikeun sawaréh ka pakir miskin, tah nu pakir miskin téh di antarana uing.”
“Ah siah bisa wé. Ké Bah tiasa kitu nya manah Nabi Ibrohim, istrina, katut putrana?”
“Maksudna, Jin?”
“Sumuhun dugi ka léah nampi ujian nu sakitu abotna?”
“Nya ngaranna gé nabi Jin kudu jadi conto umat atawa kaomna. Imanna kuat. Pan harita sétan mah langsung ngagoda Siti Hajar.”
“Kitu Bah?”
“Enya Jin. Ceuk haréwos sétan ka Siti Hajar, cik atuh sing mikir moal enya salaki rék maéhan anak dantep? Tapi ku kuatna iman Siti Hajar godaan sétan teu mempan.”
“Kitu Bah?”
“Enya Jin. Mun nu imanna lemah mah jol percaya wé da ceuk saliwat mah naon nu diomongkeun ku sétan téh siga bener.”
“Leres Bah. Mung hanjakal wé aya nu salah kaprah ngahartikeun tuladan Nabi Ibrohim téh.”
“Salah kaprah kumaha Sép?”
“Pan nuju ramé dina berita aya nu ngagem ajaran ‘Agama Muslim’ tapi teu ngaku Alloh tapi ngaku ka Robbi, teu ngaku Nabi Muhammad saw. tapi ngaku ka Nabi Ibrohim, teu kudu solat tapi cukup ku éling ka Robbi.”
“Oh enya bener Sép, kadé ah urang mah ulah kapangaruhan ku ajaran sasar modél kitu.”
“Raos éta ajaran nya.”
“Raos kumaha Jin?”
“Sumuhun henteu solat, asal éling.”
“Nu kitu imanna lemah téh, geus keuna ku pitapak sétan. Ari salamet hayang, ari ka surga hayang, ari nyumponan paréntahNa mumul. Nya moal bisa atuh Jin.”
“Kitu Bah?”
“Nya enya atuh Jin. Ayana salamet, ayana wareg pan ku ihtiar. Mun hayang salamet ulah katabrak mobil, nya ulah leumpang di tengah jalan bari mobil pasuliwer. Mun hayang wareg dahar nya huapkeun sangu sapuratina kana sungut jeung saterusna. Mun di ahérat hayang salamet asup ka sawarga nya kudu solat jauhan masiat kitu ihtiarna nurutkeun papagon Islam nu bener mah, teu cukup ku éling…..”
“Leres Bah kahartos. Sok ah Darsép geura dongéngkeun tragédi mahugi Mang Doyot téh.”
“Siap Jin lah ngan isukan wé ayeuna mah uingna hayang…..”
“Hayang naon Darsép?”
“Hayang hitut, rék diambeuan?”
“Hahaaa…….!” (lajengkeuneun) **

One thought on “Tragédi Mahugi (3)

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Kembangkan Platform Digital, Tugu Insurance Berikan Kemudahan pada Masyarakat

Rab Jul 29 , 2020
Jangan Lupa BagikanVISI.NEWS – Seiring dengan perkembangan teknologi yang semakin maju dan juga adaptasi kebiasaan baru yang sedang dijalankan oleh pemerintah, PT Asuransi Tugu Pratama Indonesia Tbk (Tugu Insurance) terus mengembangkan platform digital yang dimiliki Perseroan untuk memberikan kemudahan kepada masyarakat dalam mengakses informasi mengenai Tugu Insurance hingga melakukan transaksi […]