Tragédi Mahugi (4)

Silahkan bagikan
Rékacipta Féndy Sy Citrawarga

 

“AMBEUAN wé ku sorangan satéh Darsép, maké ditatawarkeun ka batur sagala!”
“Naon téa Jin?”
“Naon téa! Pan kamari saur si Abah téh ningan nya enya atuh Jin. Ayana salamet, ayana wareg pan ku ihtiar jeung saterusna…”
“Ceuk uing, leres Bah kahartos. Sok ah Darsép geura dongéngkeun tragédi mahugi Mang Doyot téh.”
“Ceuk manéh siap Jin lah ngan isukan wé ayeuna mah uingna hayang…..”
“Hayang naon Darsép? tanya uing.”
“Ceuk manéh hayang hitut, rék diambeuan?”
“Hahaaa…….!”
“Tong ngambek atuh da henteu hitutna gé ukur hayang wungkul. Nya kétang ari hayang-hayang teuing mah urang paksakeun mangkaning tas ngadahar kadu…”
“Hahaaa…..”
“Ah siah Darsép.”
“Ku kersaning Alloh nya Bah.”
“Naon téa Bi?”
“Sumuhun Nabi Ismail nu dipeuncit ku ramana Nabi Ibrohim téa…”
“Oh enya Bi. Ku kersaning Alloh Nabi Ibrohim salamet. Apan mimitina mah Ismail téh nyarios ka ramana, ‘Ama, blih Ama teu téga nunggel jangga beuheung abdi, saé tutupan wé soca téh’ Nya dilaksanakeun. Ana gabres pedang diheumbatkeun nenggel tenggek Ismail, teu kecét-kecét, disangka ku Nabi Ibrohim mah tos perlaya, ari dibuka panutup socana bréh téh ingkang putra salamet teu cécél bocél ari nu katunggel jangga mah horéng domba…..”
“Allahuakbar….”
“Enya barudak. Alloh Maha Agung, Nu Kawasa sagala rupina. Ujian nu kacida abotna téh digentos ku kabingah nu taya tanding.”
“Leres Bah.”
“Puguh wé Jin. Nu matak korban téh kaasup ibadah penting pangpangna keur nu baroga rejeki mucekil. Da puguh keur jelema leutik mah dahar daging ngeunah téh bati hayangna da teu kabedag meuli, nya sataun sakali mah aya bagéan ti nu baleunghar tina korban téa….”
“Leres Bah.”
“Enya Jin. Panan dawuhan Rosululloh saw. gé sing saha nu mampuh korban tapi teu dicumponan tong deukeut-deukeut ka tempat solat kami.”
“Maksadna Bah?”
“Maksudna mah Jin, taya hartina ungkad-ungked solat tapi nalika mampuh meuncit korban teu dilaksanakeun. Hartina deui Jin, ibadah téh teu cukup keur kapentingan sorangan siga solat, tapi kudu ngawengku ibadah sosial, nya di antarana ibadah korban téa.”
“Oh..kitu Bah?”
“Enya Jin. Ningan sok aya sesebutan haji-haji korét, ustad-ustad medit. Éta téh balukar tina ibadahna keur kapentingan sorangan wungkul, tanpa ibadah sosial. Mun dilengkepan ku ibadah sosial siga korban atawa zakat jeung sodakoh mah moal aya jujuluk goréng kitu.”
“Sapertos Haji Mukti di urang mah panginten nya Bah nu lengkep ibadahna téh solat kantenan, korban unggal taun tara copong pan saurna énjing gé badé korban si ranggaék?”
“Enya Jin. Malah tragédi mahugi Mang Doyot gé aya patalina jeung si Ranggaék.”
“Nu bener Darsép?”
“Bener Jin.”
“Sok atuh dongéngkeun kumaha lalakonna?”
“Isukan wé Jin ayeuna mah uingna rék….”
“Rék naon Darsép?”
“Rék méré duit keur manéh.”
“Asyiiik…….sabaraha Sép?”
“Manéh hayangna sabaraha?”
“Sajuta wé lah.”
“Samilyar gé bisa ké lamun uing geus beunghar!”
“Hahaaa…….” (lajengkeuneun) **

Baca Juga :  Angka Keterpaparan Covid Menurun, Bupati Imbau Masyarakat Tidak Euforia

M Purnama Alam

Tinggalkan Balasan

Alamat email Anda tidak akan dipublikasikan.

Next Post

Imam Masjid di Pekanbaru dan Habib Rizieq Jadi Korban, Wakil Ketua MPR pun Bersuara Lantang

Kam Jul 30 , 2020
Silahkan bagikanVISI.NEWS – Wakil Ketua MPR RI Hidayat Nur Wahid prihatin dengan tindakan kriminal dan persekusi kepada imam masjid dan ulama, sebagaimana dialami oleh imam di Pekanbaru dan Habib Rizieq Shihab. Hidayat meminta Polri agar menegakkan prinsip Indonesia sebagai negara hukum yang adil, dengan segera mengusut dan memproses secara hukum pelaku […]