Tragédi Mahugi (5)

Jangan Lupa Bagikan
Rékacipta Féndy Sy Citrawarga

 

“MANI taya euih-euihna nganyerikeun haté batur téh si Darsép mah.”
“Nya peupeuriheun ngangeunahkeun henteu atuh mangyerikeun-mangnyerikeun Jin.”
“Ah siah malik-malikkeun.”
“Enya naon atuh nu matak nyeri haté téh Cép Ujin?”
“Aduh siah uing diencép-encép. Pan heueuh kamari téh ningan ceuk uing, sapertos Haji Mukti di urang mah panginten nya Bah nu lengkep ibadahna téh solat kantenan, korban unggal taun tara copong pan saurna énjing gé badé korban si ranggaék?”
“Ceuk manéh, enya Jin. Malah tragédi mahugi Mang Doyot gé aya patalina jeung si ranggaék.”
“Nu bener Darsép? tanya uing.”
“Ceuk manéh, bener Jin.”
“Sok atuh dongéngkeun kumaha lalakonna? Uing nanya deui.”
“Ceuk manéh, isukan wé Jin ayeuna mah uingna rék….”
“Rék naon Darsép? tanya uing téh ningan.”
“Ceuk manéh, rék méré duit keur manéh.”
“Asyiiik…….sabaraha Sép? Uing nanya.”
“Ceuk manéh, manéh hayangna sabaraha?”
“Sajuta wé lah, ceuk uing téh.”
“Terus jawab manéh, samilyar gé bisa ké lamun uing geus beunghar!”
“Hahaaa…….”
“Sugan téh heueuh rék balég hanas geus atoh.”
“Nya doakeun wé atuh uing sing beunghar Jin. Geus beunghar mah piraku rék poho ka céés.”
“Lah bohong kétang Ujin. Jelema mah deukeut téh semet keur butuh, rék itu rék ieu, rék méré itu méré ieu, rék nyaah ka rahayat mun kapilih jadi pajabat. Geus raos mah boro-boro inget, nya Bah?”
“Enya Bi. Tah ayeuna keur usum nyanghareupan pilkada di Dalem Bandung, kahadé milih pidalemeun atawa bupati jeung wakilna téh sing arati-ati…….”
“Bilih ukur jangji nya Bah?”
“Enya Jin. Aya babasan sing asak-asak nya ngéjo bisi tutung tambagana, sing asak-asak nya nempo bisi kaduhung jagana.”
“Leres Bah. Sok buru Darsép kumaha tragédi mahugi Mang Doyot téh?”
“Kieu Jin. Si Mang Doyot jangjian jeung Nyi Kokom randa geulis ngora kénéh. Nya tepung rerencepan di hiji tempat nu ceuk duanana mah suni.”
“Yeuh tampi kagegelan ti Aa,” ceuk Mang Doyot ka Nyi Kokom ti dituna mah mahugi.
“Ih, Aa mani ngarérépot,” témbal Nyi Kokom ogo. “Tampi nya, tawis katineung ti Aa kanggo Nyai. Ihlas, rido, keur korban cinta Aa ka Nyai,” ceuk Mang Doyot mani romantis, ngan karasana ku Nyi Kokom mah romantis tiis boro-boro pikahayangeun.
“Naon waé ieu téh A?”
“Tah ieu nu dibungkus keretas koran raksukan kanggo Nyai. Tah ieu dina amplop, sanés kalakay tapi artos tuh ningan mani metet……dua rébuan sapuluh lambar asana mah….”
“Hahaaa…….”
“Nya wios, ditampi atuh A. Hatur nuhun,” ceuk Nyi Kokom bari rék indit. Ngan teu laju da dibedol ku Mang Doyot.
“Ukur hatur nuhun? Sun, atuh say!”
“Cenah tadi ihlas satéh Doyot geuning aya pamrih?”
“Nya heueuh atuh Sarkom rugi aing mahugi awéwé teu nyium-nyium acan mah,” ceuk Mang Doyot bari maksa rék merkosa Nyi Kokom.
“Alah siah terus Darsép?”
“Nyi Kokom Jijir lumpat, Mang Doyot ngajongkéng, Jin.”
“Har na kunaon?”
“Diteunggar si ranggaék.”
“Batur mah ihlas téh meuncit korban miharep karidoan Allloh, ari sia ihlas mahugi bari miharep dicium kabogoh. Bebel téh siah!”
“Ceuk saha Darsép?”
“Ceuk si ranggaék, Jin.”
“Hahaaaa……” (réngsé) **

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Khutbah Jumat: Menggapai Keridaan Allah dengan Kurban

Jum Jul 31 , 2020
Jangan Lupa BagikanOleh Ali Farkhan Tsani SEGALA puji bagi Allah, kami memuji Dia dan mencari bantuan dan pengampunan-Nya dan kami mencari perlindungan dengan Allah dari kejahatan diri kita sendiri. Dan saya bersaksi bahwa tidak ada tuhan selain Allah sendiri dan tidak ada mitra bagi-Nya dan saya bersaksi bahwa Muhammad adalah […]