Usum Mirip (2)

Jangan Lupa Bagikan

Rékacipta Féndy Sy Citrawarga

 

“UJIN jeung mirip Ujin éta téh béda. Kumaha maksadna Bah?”
“Naon téa, Jin?”
“Abah onaman géhgéran nurutan Si Darsép. Sumuhun pan saur Abah kamari, enya Jin. Hal-hal nu can jelas duduk perkarana mah ulah waka togmol diomongkeun, bisi lain. Sabab lamun gagabah nyarita nya bisa keuna ku hukum.”
“Maksadna Bah? tanya Ujin téh.”
“Ujin jeung mirip Ujin éta téh béda, saur Abah téh ningan.”
“Oooh….éta Jin? Enya Ujin jeung mirip Ujin mah béda. Ari Ujin mah asli, ari mirip Ujin nya lain Ujin téa alias palsu.”
“Oooh…enya nya?”
“Séjén ti dinya, mirip Ujin mah rugi.”
“Rugi kumaha satéh Darsép?”
“Rugi Ujin kabawa goréng, béda deui jeung mirip jalma sohor nu ayeuna keur usum, kabawa untung.”
“Ah siah Darsép!”
“Bener Ujin. Contona ayeuna keur ramé aya tukang baso mirip Rafi Ahmad, apan ku Rafi dipupujuhkeun, dibawa piknik, ngilu sohor tah. Aya deui nu mirip Bapa Jokowi, enya presidén nagara urang, apan sohor dipidangkeun dina médsos! Kitu tah!”
“Heueuh nya Darsép. Cik ari uing mirip saha nya? Mirip Rizky Billar teu euy?”
“Mirip, mirip, Ujin.”
“Mirip Rizky Billar, Darsép?”
“Mirip bujur sééng!”
“Hahaaa…….!”
“Cabok ku aing siah Darsép!”
“Enya kitu tah Ujij mirip mah lain, nu dina basa Sunda mah loba pisan kecapna. Aya siga, kawas, lir, nyeplés, cara, teu dipiceun sasieur.”
“Leres Bah, kahartos. Janten Gisel sareng mirip Gisel, Jedar sareng mirip Jedar bénten nya?”
“Nya enya. Jadi lamun nyarita Gisel nu maén vidéo panas eta hartina urang geus nuding enya, tapi lamun mirip Gisel mah nya can tangtu.”
“Upami leres Bah?”
“Kudu dibuktikeun sacara hukum. Pan aya kekecapan, nuding kudu karana bukti, nyangka kudu karana fakta. Tah éta bahayana téh.”
“Kahartos Bah.”
“Mirip gé aya nu nguntungkeun aya nu teu uyahan matak cilaka nya Bah?”
“Na kumaha kitu Sép?”
“Sapertos nu mirip artis téa siga tukang baso, apan nguntungkeun kabawa sohor.”
“Ari nu teu uyahan matak cilaka Darsép?”
“Nu nyalahgunakeun mirip, Ujin.”
“Saha Darsép?”
“Mang Kukna, Ujin.”
“Alah siah, kumaha dongéngna Darsép?”
“Kieu Jin. Mang Kukna téh nyolowédor jeung Ceu Hilan, randa bahénol nérkom nepi ka diriungkeunana jeung RW. Basa ku RW ditanya bet nyolowédor Mang Kukna kéképéhan teu rumasa nyolowédor cenah da Ceu Hilan jeung Bi Kini pamajikan Mang Kukna mani mirip, malah sarua.”
“Mirip naonna Mang Kuk?” tanya RW
“Sagala rupina gé mirip, malah sarua, Pa RW. Ku abdi disurvéy, yéy sugan mah teu dipiceun sasieur da. Geura nya pangambungna liangan dua, gunung sakembaranana sami lebah dada, bujalna sami dina beuteung, henteu dina beuheung…..!”
“Hahaaa……!”
“Ari lebah legokhangseurna?” RW kalah beuki nyosok jero.”
“Lebah legokhangseurna gé teu dipiceun sasieur, mirip pisan Pa RW. “
“Mirip lebah manana?”
“Lah, Pa RW mah mani kedah jéntré. Sagala rupina mirip pisan nu mawi abdi teu asa-asa ngajakan nyakeudeung gé da sugan téh enya pun bojo, mung aya kétang sakedik béntenna téh.”
“Béda naonna?”
“Nu Ceu Hilan pelem nu pun bojo raos, abong nuju usum mirip.”
“Hahahaaa….” (réngsé) **

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

BOLA MANCA: Inggris Tak Berdaya Dihajar Belgia di Ajang UEFA Nations League

Sen Nov 16 , 2020
Jangan Lupa BagikanVISI.NEWS – Matchday kelima UEFA Nations League berlangsung Senin (16/11/2020) dini hari, melibatkan kesebelasan-kesebelasan tangguh seperti Timnas Belanda, Timnas Belgia, dan Timnas Italia. Di UEFA Nations League level A, pertandingan Belanda vs Bosnia dan Herzegovina berlangsung lebih dulu dibanding laga-laga lain. Dua gol Georginio Wijnaldum dan sebuah gol […]