Usum Reses (3)

Jangan Lupa Bagikan
Rékacipta Féndy Sy Citrawarga

 

“NU balég Darsép?”
“Naon téa, Jin?”
“Éta reses di nagara Manaboa?”
“Saha nu nyarita kitu Jin? Si Diran, si Sarya, Bi Rahi, Bah Adun?”
“Hadeuh, angger geus datang deui gélona si Darsép. Pan manéh kamari nyarita. Ceuk manéh téh ningan di nagara Manaboa mah, reses téh para anggota déwan nampung hatur nuhun. Euweuh nu nyarita jalan ruksak, salaki salingkuh, atawa pangwarahkeun pamajikan nu nyolowédor jeung tukang cilok.”
“Oh…..enya bener uing nyarita kitu Jin. Uing mah tara ngabohong sabab tukang ngabohong mah sok dikakaya. Nya Ran?”
“Enya kitu Diran?”
“Enya Kang Ujin.”
“Sisindirankeun atuh Ran pan manéh diajakan nga-Heuras téh keur sisindiran.”
“Tukang goong tukang kecrék, tukang kecrék eukeur dahar. Nu bohong kudu dicekék, dicekék tepi ka modar.”
“Hahaaa…..”
“Nya dikakaya, Jin?”
“Enya lah Darsép sok geura terangkeun kumaha reses di nagri Manaboa téh.”
“Enya reses di nagri Manaboa mah para anggota déwan téh nampung hatur nuhun.”
“Naha bisa kitu?”
“Sababna mah nya kanyataanana rahayat teu boga bangbaluh sabab fasilitas keur kapentingan rahayat sakumna siga jalan, sakola, sasak, pengairan, jeung nu séjénna geus sarwa alus. Jalan laleucir, sasak wareweg, sakola agréng.”
“Hébat…..”
“Enya Jin. Pan di urang mah loba kabéjakeun jalan ruksak diantep, kakara mucunghul nalika reses.”
“Enya bener Sép geura étah usum hujan jalan téh ngabalong, der dipelakan lauk, dipelakan tangkal cau.”
“Leres, Bah.”
“Enya kitu, Sép.”
“Saé wé jalan ngabalong dilaukan atanapi dikebonan tangkal cau mah supados teu sesah ngala lauk sareng ngala cau.”
“Hahaaa……”
“Saé kumaha Ujin. Ngaranna gé jalan nya kudu dipaké lalar liwat.”
“Enya naha atuh jalan ngabalong dipelakan lauk jeung dipelakan tangkal cau?”
“Éta téh simbul kiritik kanu boga wewenang ngurus jalan. Bakating rahayat geus keuheul jalan ruksak diantep waé, Jin.”
“Kitu, Bah?”
“Enya, Jin.”
“Di nagara Manaboa mah euweuh jalan ruksak siga kitu téh nyah Darsép?”
“Euweuh Jin. Tah gedong sakola, pan di urang mah mindeng kabéjakeun wangunan sakola rugrug da geus butut diantep atawa nu karék diwangun sababaraha poé geus ruksak deui alatan bahan wangunanana joré-joré bin lalawora da duitna dilegleg ku oknum.”
“Ari di nagara Manaboa?”
“Di nagara Manaboa mah nu ngaran wangunan sakola téh teu béda jeung karaton, dialus-alus. Pan di urang mah tibalik, imah pribadi dialus-alus, angot oknum pajabat mah nya agréng nya di mana-mana, ari wangunan sakola siga kandang hayam.”
“Bisa kitu Darsép?”
“Enya Jin.”
“Naon sababna?”
“Sababna, urang terangkeun isukan wé ayeuna mah uingna aya kapereluan heula, rék ngilu?”
“Najis, ka WC.”
“Hih, ka restoran dahar.”
“Hahahaaa……” (lajengkeuneun) **

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Sistem Closed Loop, Cara Pupuk Kujang dan Kadin Berkolaborasi Jaga Kestabilan Ketahanan Pangan

Sel Jul 14 , 2020
Jangan Lupa BagikanVISI.NEWS – Konsentrasi pemerintah dan berbagai kalangan, termasuk Badan Usaha Milik Negara (BUMN) saat ini fokus terhadap penanganan Covid-19. Di sisi lain ketersediaan pangan pun tetap harus menjadi prioritas. Plt Direktur Utama Pupuk Kujang, Rita Widayati menuturkan, saat ini stok dan distribusi komoditas pertanian menjadi persoalan tersendiri. Ini […]