Weureu (3)

Jangan Lupa Bagikan
Rekacipta Fendy Sy Citrawarga

“HEUEUH da uing téh si bopih, Darsép!”
“Na kumaha kitu, Jin?”
“Na kumaha? Pan ceuk manéh kamari, ulah siga si Codét hayang weureu téh kaleuleuwihi.”
“Ceuk uing, nu bener Darsép?”
“Enya Jin, ceuk manéh téh.”
“Ceuk uing, sok atuh caritakeun kumaha dongéngna?”
“Siap Jin, ceuk manéh téh. Ngan isukan deui wé ayeuna mah uingna rék méakeun daging korban heula.. Hayang?”
“Puguh wé, ceuk uing téh ningan”
“Ceuk manéh téh hayu, ngahaja disadiakeu keur ilaing, tulangna.”
“Hahaaa……”
“Naha da tulang gé ngeunah, Jin.”
“Ngeunah wé ceuk si bopih mah.”
“Bener Jin ngeunah, ngeunah keur malédog mantan nu keur oléng jeung kabogohna.”
“Hahaa…..”
“Teuing ah siah Darsép.”
“Kumaha atuh Bah geuning ramé kénéh waé?”
“Naon téa Bi?”
“Sumuhun korona, badé iraha lirénna?”
“Oh enya, nyaéta teuing Bi da geuning di urang kasusna kalah beuki nambahan geus ngaleuwihan ti saratus rébu. Ciplesna mah tepi ka poé Salasa kamari téh geus 115.056 kasus.”
“Euleuh…..leres wé nya nambihan teras. Iraha atuh lirénna?”
“Teuing Bi. Saur pajabat nu ngurus korona mah cenah tinimbang naroskeun iraha lirénna, mending gé nurut kana protokol kaséhatan, kayaning jaga jarak, maké masker mun indit-inditna, mindeng kukumbah leungeun. Kitu wélah.”
“Kitu Bah?”
“Enya Bi.”
“Kitu cenah Ran, tinimbang. Geura sok sisindirankeun tinimbang téh.”
“Ka Lémbang mamawa huut, tumpak munding maké topi. Tinimbang ngadahar jukut, mending gé ngadahar roti.”
“Hahahaaa….”
“Nya heueuh atuh Diran da jukut mah teu ngeunah. Sok Bi bisa teu sisindiran siga si Diran kitu?”
“Maké teu bisa Ujin. Nya bisa.”
“Sok atuh!”
“Ka Lémbang lain rék cicing, meuncit munding ku duaan. Tinimbang kawin jeung ucing, mending ogé eujeung Afgan.”
“Hahahaa…..”
“Palay wé…….”
“Nya enya atuh Ujin. Sok manéh Ujin bisa teu sisindirian tinimbang?”
“Nya bisa atuh Bi. Geura yeuh. Ka Lémbang ngadon ditiung, aya munding nyatu lilin. Tinimbang saré jeung maung, mending gé eujeung si Mimin.”
“Kahayang…Ujin.”
“Nya heueuh atuh Darsép da saré jeung maung mah dikerekeb.”
“Nya moal auh Ujin.”
“Moal kumaha? Nu matak saieun gé maung mah sok ngerekeb. Siga urang-urang ayeuna sieun ku korona apan éta téh alatan ngabahayakeun.”
“Mun koronana jempling mah teu sieun nya?”
“Nya heueuh Darsép.”
“Kitu maung gé. Mun saré jeung maung hirup mah sieun, tapi mun saré jeung maung paéh mah nya moal.”
“Hahaaa…..”
“Rupa-rupa pisan si Darsép. Sok geura dongéngkeun kumaha lalakon si Codét weureu téh?”
“Kieu Jin. Si Codét téh, tapi….isukan deui lah ayeuna mah uingna teu kuat hayang cingogo.”
“Di dinya wé atuh cingogo mah Darsép!”
“Cingogo ngising Ujin. Baé di dieu?”
“Hahaaa……” (lajengkeuneun)

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Sambut HUT ke-72, Polwan Polresta Tasikmalaya Gelar Baksos

Sel Agu 4 , 2020
Jangan Lupa BagikanVISI.NEWS – Dalam rangka meyambut Hari Ulang Tahun (HUT) ke-72, Polisi Wanita (Polwan) Polres Kota Tasikmalaya, Jawa Barat, menggelar bakti sosial (baksos) di wilayah Kecamatan Sukaratu, Kabupaten Tasikmalaya, Selasa (4/8). Kegiatan baksos tersebut dipimpin oleh Perwira Koordinator (Pakor) Polwan Polresta Tasikmalaya, AKP Sri Sulistiyaningsih. Kapolresta Tasikmalaya, AKBP Anom […]