Weureu (4)

Editor :
1


Silahkan bagikan
Rekacipta Fendy Sy Citrawarga

 

“NU kitu patut mah tong dibéja-béja atuh satéh Darsép!”
“Naon téa, Jin?”
“Heueuh cingogo.”
“Na saha nu ngabéja-béja cingogo?”
“Saha! Pan ceuk uing kamari, rupa-rupa pisan si Darsép. Sok geura dongéngkeun kumaha lalakon si Codét weureu téh?”
“Ceuk manéh, kieu Jin. Si Codét téh, tapi….isukan deui lah ayeuna mah uingna teu kuat hayang cingogo.”
“Ceuk uing deui, di dinya wé atuh cingogo mah Darsép!”
“Ceuk manéh, cingogo ngising Ujin. Baé di dieu?”
“Hahahaaa……”
“Nya heueuh atuh bari cingogo bubuang mah Ujin moal enya bari lumpat. Nu kitu mah ngaranna kababayan…..”
“Ah teuing siah Darsép. Ka mana karep wé nyarita téh. Mun jelema ka mana karep waé kudu dikumahakeun, Ran?”
“Ka huma rék ngala kungkang, meunang kadu ti Citeureup. Jalma kuma karep mah Kang, nya kudu dibéré peureup.”
“Alus, satuju lah Diran. Tuman teuing.”
“Teu nanaon, moal nyeri.”
“Ah, siah Darsép!”
“Moal da peureup orok.”
“Hahaaa…..!”
“Peureup préman weureu mabok satéh Darsép.”
“Sarua moal nyeri Jin.”
“Naha?”
“Prémanna geus pangsiun mabokna gé lain weureu nginum arak.”
“Nginum naon Darsép?”
“Nginum ciompol.”
“Hahahaaa……!”
“Darsép gejul. Ceuk ilaing kudu dikumahakeun jalama kuma karep Ya?”
“Nya jalma sakahayang mah wajar nampa pangwarah Kang Ajan.”
“Kumaha pangwarahna?”
“Banyak, Kang.”
“Sok sebutkeun naon waé, Ya?”
“Kagak ah.”
“Har, naha kagak?”
“Da taya pamayarna. Apal, Yaya mah tara ngabamblam sagawayah ka jalma tanpa alat pamayar.”
“Hahaa….karasa Ujin?”
“Teuing ah Darsép. Cikan ceuk Bibi kudu dikumahakeun jelema kuma karep atawa ceuk si Yaya mah cenah sakahayang.”
“Diantep wé Ujin.”
“Haaar…naha diantep?”
“Nya diantep wé da kitu kuduna pamajikan ka salaki mah rék nyabakan naon gé keun sina sakahayangna.”
“Nyabakan naon ngantep salaki sakahayang cubuk-cabak téh Bi?”
“Heueur keur dahar Ujin. Mun salaki jeung pamajikan keur dahar paduduaan, nya antepkeun wé salaki nyabakan sangu jeung deungeunna tong barang geureuh.”
“Oh…dahar, sugan téh keur titik-titik Bi”
“Nya komo keur titik-tik mah cubuk-cabakna sina sakahayang pisan Ujin …”
“Hahaaa…….”
“Atos Bi ah, teu kaop dijalanan Bibi mah. Numutkeun Abah upami jalmi kuma karep?”
“Goréng patut Jin. Mun hayang salamet mah kudu nurut kana papagon, aturan, undang-undang. Siga nyanghareupan pandemi korona ayeuna nu terus nerekab éta téh balukar tina kumakarep.”
“Kitu Bah?”
“Enya Jin. Cindekna mah jauhan hirup kumakarep téh ngarah salamet, barudak.”
“Siap Bahlah. Sok Darsép geura caritakeun kumaha lalakon si Codét weureu téh?”
“Kieu Jin. Harita….tapi asa alus kénéh isukan didongéngkeunana.”
“Ari ayeuna Darsép?”
“Nyaéta pan ayeuna mah can isukan.”
“Hahahaaa….!” (lajengkeuneun) **

Baca Juga :  Rektor Ajak Bekerja di UIN Jadi Tiket Masuk Surga

M Purnama Alam

One thought on “Weureu (4)

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

UM-PTKIN Ikhtiar Bangun SDM Unggul dan Berkualitas

Rab Agu 5 , 2020
Silahkan bagikanVISI.NEWS – Dalam upaya membangun sumber daya manusia (SDM) unggul dan berkualitas, Kementerian Agama Republik Indonesia menggelar Ujian Masuk Perguruan Tinggi Keagamaan Islam Negeri (UM-PTKIN) dengan menggunakan Sistem Seleksi Elektronik (SSE) secara daring dari tanggal 3-6 Agustus 2020. Wakil Menteri Agama (Wamenag) RI, Zainut Tauhid Sa’adi mengatakan, seleksi UM-PTKIN […]