Laba (3)

Jangan Lupa Bagikan
Rekacipta Fendy Sy Citrawarga

 

“Étanana naon nu pelem téh, Bi?”
“Nao téa, Ujin?”
“Sumuhun pan saur Bibi kamari jang naon ganteng ogé ari étanana teu pelem mah.”
“Oh…éta nya sabangsa cau atawa bonténg.”
“Teu pelem lebah manana, Bi?”
“Mani kudu jéntré nya ari si Ujin. Sok wé ku Ujin rasa-rasa pelem mana cau atawa bonténg nu asak jeung seger jeung cau atawa bonténg geus buruk? Bonténg atawa cau buruk mah rék diselewegkeun kana sungut téh apan kalah ngulahék tak berdaya…..”
“Hahaaa……..”
“Atos Bi ah ka mana karep nyarios téh. Sok Darsép geura terangkeun naon laba téh?”
“Karék gé poé Rebo Ujin.”
“Naon urusanana jeung poé, Darsép?”
“Urusanana nya jeung perkembangan korona kumaha cenah Bah, kasusna?”
“Nambahan kénéh Sép. Tepi ka poé Salasa kamari téh nu dibéwarakeun ku pamaréntah kasusna aya 18.496 urang, nu maotna 1.221, sedengkeun nu cageurna aya 4.467 urang.”
“Uluh tos badé nyaketan ka duapuluh rébu nya Bah?”
“Enya Bi, malah ayeuna mah leuwih sumebar ka daérah, pangpangna ka Surabaya.”
“Surabaya, Bah?”
“Enya Jin. Surabaya jadi kadua tas DKI Jakarta.”
“Sanés Jawa Barat nu kadua téh, enya lembur urang?”
“Ayeuna mah kaudag ku Jatim, Jin. Alhamdulillah kasusna keur saheulaanan mah Jawa Barat kaungkulan. Atuh di Surabaya jeung daerah séjénna, kum saindonésia, kahayang mah ulah nambahan deui, nya?”
“Aaamiin….Bah.”
“Leres Bah da abdi mah geus teu tahan.”
“Geus teu tahan kumaha Ujin?”
“Hoyong geura ningali pasukan Maung Bandung Pérsib tandang deui makalangan. Teu lalajo Pérsib téh dunia terasa hampa.”
“Kana kitu Jin.Heug sing sabar wé lanan nu matak kudu nurut kana anjuran ti pamaréntah. Pan saur Bapa Presidén ogé, daméy sama korona tapi tetap waspada.”
“Leres Bah. Ari ilaing Ran teu tahan hayang naon mun korona geus nyingkah?”
“Koran disimpen na ubin, katincakan ku Ceu Wiwin. Diran mah yeuh Kang Ujin, geus teu tahan hayang kawin.”
“Hahaaa……”
“Atuh kawin wé ayeuna Diran da moal nanaon.”
“Si Ocan tibra saréna, hudangna katinggang halu. Pan can aya awéwéna, piraku kudu ka jalu.”
“Hahaaa…..”
“Deudeuh teuing Diran. Heueuh sing sabar wé. Ari ilaing Ya?”
“Yaya mah kagak tahan palay ngasaan parawan kakara nyat.”
“Naon parawan kakara nyat téh Sarya?”
“Nya banyak Kang Ajan, antarana parawan bala-bala, parawan martabak, parawan salak, parawan sangray kakacangan, dan sajabanyah.”
“Ari cirina parawan?”
“Nya tandana bala-bala atawa kadaharan sabangsa kakacangan parawan mah can kaasaan, bayawak!”
“Hahaaa……”
“Sarya gejul, maké nyebut bayawak sagala.”
“Nya tak nampa bayawak mah, kadal lah!”
“Hahaaa…..”
“Minggeus siah Sarya, nyiar-nyiar pigeluteun keur puasa ieu téh. Ari manéh Darsép geus teu tahah hayang naon mun korona geus euweuh?”
“Sarua jeung si Diran hayang kawin.”
“Kawin jeung saha? Awas siah mun jeung si Mimin kabogoh uing.”
“Jeung kurupuk!”
“Hahaaaa……” (lajengkeuneun) **

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Sampah di TPS Pasar Baru Majalaya Dibiarkan Menumpuk, Timbulkan Bau Menyengat

Sel Mei 19 , 2020
Jangan Lupa BagikanVISI.NEWS – Tumpukan sampah telah menggunung di tempat pembuangan sampah sementara (TPS) Pasar Baru Majalaya, Desa Majakerta, Kecamatan Majalaya, Kabupaten Bandung. Pantauan VISI.NEWS, Selasa (19/5), tumpukan sampah itu sudah menimbulkan bau tak sedap. Warga yang rumahnya berdekatan dengan tumpukan sampah pasar dan sampah rumah tangga yang menggunung itu […]