Néangan (5)

1
Jangan Lupa Bagikan

Rékacipta Féndy Sy Citrawarga

 

“AYA-aya waé atuh si Komod.”
“Na kumaha kitu, Jin?”
“Heueuh apan ceuk manéh kamari, nanaonan ari manéh Komod asup ka kamar mandi batur? tanya RW.”
“Ceuk si Komod, nuju néangan Pa RW, néangan ucing da sidik asup ka kamar mandi Nyi Anih. Tapi ningan teu aya, kalah aya Nyi Anih nuju ibak nya atos wé… biarlah ucing teu timu, asaaal…..”
“Asal beungeut sia bengep! ceuk Mang Duyéh bapana Nyi Anih bari jebrod beungeut si Komod dihadiahan tonjok.”
“Hahahaaa……”
“Enya bener kitu Jin. Tah éta conto néangan cilaka meunang cilaka deui. Nya Bah?”
“Enya bener Sép, urang mah ulah nepi ka kitu, angot jijieunan siga si Komod, sidik picilakaeunana téh. Tapi da dasar jelema barudak, ari haténa geus kalimpudan ku napsu angkara murka mah teu béda jeung seuneu nguntab-nguntab diséblok béngsin, beuki ngabebela. Atawa mun teu kitu, sok nutupan haté nu beresih. Nyaho seuneu téh panas, hayoh dideukeutan. Nyaho korupsi téh teu meunang hayoh dipigawé, jeung sajabana. Enya éta téh néangan cilaka meunang cilaka téa….”
“Kitu Bah?”
“Enya Jin. Urang hirup hayang salamet di dunya jeung ahérat, nya téangan jalan kasalametan. Demi jalan kasalametan, ayana dina pituduh agama, lain dina pituduh hawa napsu.”
“Leres Bah napsu nu matak kaduhung badan anu katempuhan téa nya?”
“Enya, bener kitu pisan Sép. Nu boga dosana napsu ngajak teu bener, nu dibuina awak atawa badan. Nu ceurikna……”
“Nu ceurikna naon cenah Ran?”
“Aya jangkrik dina néon, Kang Nana mamawa kecrik. Nu ceurik mah pasti panon, moal enya tuur ceurik.”
“Hahaa…..”
“Ari lalakon Nyi Nonoh kawiwirangan Darsép?”
“Ari kitu Jin?”
“Pan ceuk manéh kamari nya muhun Bah. Leuheung hitut mah aya jirim sorana pan korona mah taya soraan pisan. Gara-gara hitut aya soraan Nyi Nonoh mah apan kawiwirangan. Meureunan keuna kana kekecapan néangan salamet, tapi kalah cilaka.”
“Oh enya Jin, kieu lalakonna téh Nyi Nonoh keur ditanyaan ku si Koyod. Tangtu saréréa daria. Na atuh celengik téh Nyi Nonoh hitut mani béntés. Rey….beungeut Nyi Nonoh dumadak pias baning wirang. Ku kolotna dicarékan béak beresih. Si Koyod dititah bedo nanyaan Nyi Nonoh.”
“Alah siah Darsép. Terus?”
“Enya Jin. Si Koyod nolak dititah ngabedokeun téh. Nyi Nonoh dibéla bébéakan. Ceuk si Koyod, sakuduna aratoh si Nyai bisa hitut kalayan béntés, coba lamun teu bisa, sabaraheun waragad ngubaranana di rumah sakit.”
“Bener tah pamadegan si Koyod téh Darsép. Terus?”
“Puguh wé Jin. Tah datang ka imahna diseleksek ku kolotna naha cenah mani maksa hayang ka Nyi Nonoh? Dijawab ku si Koyod. Uing can ngasaan Pa, Ma. Mahugi geus bébéakan piraku kudu bolay ukur ku gara-gara hitut.”
“Loba deui awéwé mah Koyod, ceuk indungna.”
“Teu bisa Ma. Uing hayang ngasaan heula. Tah lamun uing geus ngasaan, si Nyai angger kénéh hitut sambarangan, kakara ku uing rék….”
“Rék diserahkeun Koyod? Tanya indungna”
“His, lain Ma. Rék diasaan deui, sabab pasti neunah.”
“Hahahaa…….” (réngsé) **

One thought on “Néangan (5)

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Untuk Pilkada yang Aman dan Damai, Polresta Bandung Gelar FGD

Kam Agu 27 , 2020
Jangan Lupa BagikanVISI.NEWS – Dalam upaya peningkatan kondusifitas keamanan dan ketertiban dalam Pilkada 2020 Satuan Binmas Polresta Bandung melaksanakan kegiatan focus group discussion (FGD) di Hotel Antik Soreang, Kabupaten Bandung (27/08/2020). Ketua Bawaslu Kab. Bandung, Ari Hariyanto, mengatakan, “Materi yang di sampaikan dalam kegiatan ini salah satunya undang undang tentang […]