Usum Reses (1)

Silahkan bagikan
Rékacipta Féndy Sy Citrawarga

 

“DI mana-mana nya Bah?”
“Puguh wé Jin nu asalna di hiji tempat ayeuna nerekab ka mana-mana jeung di mana-mana.”
“Maksad Abah?”
“Enya korona anu di nagara urang kiwari kasusna kalah naék batan turun nu tepi ka poé Ahad kamari téh geus ngahontal angka 75.699. Kitu tah Jin.”
“Éta mah tos kantenan atuh Bah. Maksad abdi mah sanés éta da.”
“Oh enya lah nyaho uing gé maksud manéh di mana-mana téh awéwé nya Jin?”
“Angger si Darsép mah ari geus ngaréwong omongan batur téh. Naon maksudna di mana-mana aéwéwé téh Darsép?”
“Tah si Diran gé nyahoeun. Naon cenah Ran di mana-mana awéwé téh?”
“Kang Marna aya di imah, gawéna nyabakan halu. Di mamana awéwé mah, tangtuna gé lain jalu.”
“Hahaaa….”
“Nya heueuh atuh Diran.”
“Tah si Yaya gé sarua nyahoeun Jin. Geura sok Ya di mana-mana awéwé kumaha?”
“Nya bangsa hawa mah ka mana-mana nyandak mastaka, raray, dada, dan sajabanyah….!”
“Hahahaaa….”
“Garélo kabéh teu béda jeung si Darsép.”
“Bi Rahi sarua deuih apaleun di mana-mana awéwé mah, naon cenah Bi?”
“Di mana-mana awéwé mah selalu mengharap mutu, Sép, angot pantar Bibi nu keur rarandaan sangat berharap akan mutu…..”
“Mutu naon, mutu paragi nyambel piraku teu gaduh Bi?”
“Lain Ujin, tapi mutu kualitas hirup biar pada ngarambeuan.”
“Oh….nya enya atuh nu kitu mah saréréa ogé
beharap. Ari sugan mutu keur nyambel.”
“Éta ongkoh Ujin, utamanya mutu Afgan. Nyambel menggunakan mutu Afgan maknyos haroshos…..seuhah ngeunah.”
“Hahaaaa……minggeus ah Bi ka mana karep waé. Maksad abdi mah di mana-mana di Kabupaten Bandung ayeuna téh para anggota déwan nuju usum reses, Bah.”
“Ooh…éta Jin. Mun ti tatadi!”
“Abah onaman. Pan ku abdi gé badé dijelaskeun mung Abah nyanyahoanan…..”
“Alah éta si Ujin ka si Abah Adun wani nyebut nyanyahoanan, téké ka dinyah Bah, tuman.”
“Ah ulah Sép karunya. Lain nyanyahoanan Jin, Abah mah bakating ku eungap angen ngabandungan korona di nagara urang hususna nu kalah beuki nerekab.”
“Leres Bah.”
“Enya Jin, tah lebah reses para anggota déwan nya mémang ayeuna téh keur usumna, para wakil rahayat téh nuju istirahat tina kagiatan sidang di kantor nya sidangna dialihkeun ka luar kantor nepangan rahayat di dapil séwang-séwangan.”
“Dapil Bah?”
“Enya dapil, Jin.”
“Naon dapil téh Bah?”
“Mani teu apal dapil-dapil acan ari si Ujin.”
“Naon kitu Darsép?”
“Dapil téh samangsa-mangsa awéwé nu gunung sakembaranana montok alias neuhneur Ujin.”
“Maksudna?”
“Heueuh éta téh dapil, alias dada pilihan.”
“Hahaaa……” (lajengkeuneun) **

Baca Juga :  Anggota Komisi IV DPRD Jabar Minta Dirut dan Komut BIJB Melakukan Percepatan Pembangunan Akses ke Bandara

M Purnama Alam

Tinggalkan Balasan

Alamat email Anda tidak akan dipublikasikan.

Next Post

Viral, Jemaah Indonesia Berangkat Haji 2020

Sen Jul 13 , 2020
Silahkan bagikanVISI.NEWS – Viral di media sosial, informasi bahwa ada rombongan jemaah haji Indonesia asal Padang, Sumatra Barat, berangkat ke bandara untuk selanjutnya menuju Tanah Suci menunaikan ibadah haji.  Kepala Kanwil Kemenag Provinsi Sumatra Barat H. Hendri memastikan bahwa informasi tersebut tidak benar alias hoaks. “Ini tidak benar. Melihat dari […]