New Normal (3)

Editor :


Silahkan bagikan
Rekacipta Fendy Sy Citrawarga

 

“HEUEUH da nyieun masker diorder, Darsép!”
“Sarua wé nyieun budak gé, Surjin.”
“Ah, siah!”
“Kumaha atuh Ujin?”
“Kumaha naonana, Bi?”
“Enya kawin jeung si Mimin dina usum korona jadi moal?”
“Nyaéta bingung Bi. Teu nyangka bakal aya korona, hanas ti heula diengké-engké.”
“Ngaranna gé sakadar mahluk, Jin.”
“Maksadna, Bah?”
“Enya jiga ceuk ilaing hanas diengké-engké da meureunan ilaing geus boga kayakinan sagalana bakal lancar, tapi buktina aya korona. Ngandung harti mahluk atawa cindekna mah manusa kadar boga rancana, nu nangtukeun mah sagalana kersaning MantenNa.”
“Da leres mémang kitu nu karaos ku abdi gé.”
“Enya Jin. Nu matak hirup mah ulah sok sombong, adigung adiguna.”
“Rasa manéh kawasa, sagala aya, sagala bisa nya Bah?”
“Naon manéh téh pipilueun, Darsép? Nu ngomongna gé uing jeung si Abah, cicing wé manéh mah!”
“Hahaaa……”
“Ah, siah Surjin.”
“Enya bener Sép. Contona ayeuna ramé kajadian di Amrik.”
“Leres nya Bah ku naon éta téh?”
“Balukar tina rasialis, Jin. Aya warga kulit hitam ditandasa ku pulisi, nya ubyag démo di mamana. Presidén Trumb pada nganaha-naha, kasedekkeun nya ngadatangkeun tentara keur ngayonan nu darémo, rahayatna sorangan.”
“Oh kitu?”
“Enya Jin, éta téh bagéan tina bukti benerna aturan agama yén jelema mah ukur boga rancana téa. Malah beunang disebutkeun katurug katutuh. Keur mah korona mahabu puluhan réwu tiwas, najan Amrik téh nagara superpower cenah, tapi ningan ku korona teu manggapulia, ku urusan maot saurang jadi urusan badag.”
“Pieunteungeun nya Bah?”
“Tah kitu Sép. Mudah-mudahan di urang mah ulah kajadian siga kitu. Heug keur usum werit ku korona.”
“Tah kitu Ran saur si Abah gé. Ngarti teu?”
“Ka Sayati arék ulin. Nya ngarti atuh Kang Ujin.” “Enya alus. Jadi urang téh entong?”
“Boga céntong ti si Itok, si Itokna kalah nyabok. Entong dahar tai kotok, akibatna bisi mabok.” “Hahaha….”
“Gélo, siah Diran ka mana karep wé nyaita téh tina urusan Amérika jadi kana tai kotok.”
“Ari ilaing Ya, ngarti?”
“Nya paham da Yaya mah jalma calakan.”
“Emh, si seblu. Mun enya calakan cik genep juta lima rébu dua ratus tilu puluh dua dibagi genep sabaraha?”
“Alaaaah…..handay, handay tamah Kang Ajan. Handayna nyaan handay!”
“Heueuh sabaraha?”
“Yaya katakan handay!”
“Heueuh sabaraha, Sarya?”
“Kang Ajan palay sabaraha?”
“Hahaaa…….!”
“Sarya gélo. Ari ngaku calakan, ngajawab teu becus.”
“Nya salah Akang.”
“Salah naon Sarya?”
“Naha papang kana baham tatangga? Papang mah kana baham jamban.”
“Hahaaa….” (lajengkeuneun) **

Baca Juga :  Laba (4)

M Purnama Alam

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

1.092 Calon Jemaah Haji Ciamis Batal Berangkat Tahun Ini

Sel Jun 2 , 2020
Silahkan bagikanmoreVISI.NEWS – Sebanyak 1.092 calon jemaah haji di Kabupaten Ciamis dipastikan batal berangkat tahun ini menyusul keputusan pemerintah yang tidak memberangkatkan calon jemaah haji tahun 2020. “Jumlah total calon jemaah haji tahun ini sebanyak 1.092 orang dipastikan tidak berangkat. Ya, tidak bisa apa-apa lagi itu sudah keputusan semuanya,” ujar […]