Tragédi Sarua (5)

Silahkan bagikan
Rekacipta Fendy Sy Citrawarga

 

“TEU nanaonlah hayang si Mimin mah asal daék dicabok pleus bekok teu ereun-eureun, Darsép!”
“Hahaha….!”
“OK Jin, pék rék dicabok teu eureun-eureun bari dibekok gé.”
“Bener?”
“Enya, asal dicabokna ku biwir si Mimin.”
“Hahaa….!”
“Teu nanaonlah Darsép, biwir si mimintulna alias ku puhu kampak. Daék?”
“Hahaha…..!”
“Sok terus, terus, teruuuus…….!”
“Terus naon Bi?”
“Terus paraséa, batur keur rariweuh nyanghareupan korona téh manéh mah Ujin, Darsép, kalah parebut si Mimin.”
“Nya enya atuh Bi da parebut si Momon mah dicarékan bapana.”
“Jeung parebut si Mimin mah mending…..”
“Mending naon Bi?”
“Parebut Bibi wé, gratis!”
“Hahaaaa……..!”
“Tuda si Darsép mah ngomong téh sok tara puguh alang ujurna. Batur-batur nyebut taati protokol kaséhatan, ari ieu nyebut protokol kasétanan.”
“Da mémang bener Jin aya kajadian protokol kasétanan gara-gara tragédi sarua.”
“Bener?”
“Enya kajadian si Kang Koyod apan manéhanana amuk-amukan ka Ceu Lasmi, pamajikanana.”
“Gara-gara sarua nyah?”
“Heueuh Jin. Kang Koyod téh tengah peuting cinekul kénéh lalajo TV. Ceu Lasmina mah geus saré, ngan lilir. Ningali pamajikanana hudang, Kang Koyod nitah pangninyuhkeun kopi. Deker wé dipangnyieunkeun bari tunduh-tunduh gé. Geus bérés song dika Kang Koyodkeun. Goléhé deui saré. Kakara gé rék peureum, ana gantawang téh Kang Koyod nyarékan.”
“Alah siah Darsép éta si Kang Koyod teu uyahan. Nya nitah dipangninyuheun kopi nya nyarékan.”
“Jéh, puguh uyahan, Jin.”
“Uyahan kumaha Darsép?”
“Nyaéta ana regot cikopi diuyup, Kang Koyod ngelél sabab kopi téh karasa asin.”
“Hahaa…..”
“Naha bisa kitu?”
“Heueuh gara-gara sarua bodasna antara uyah jeung gula pasir sigana mah. Tayohna Ceu Lasmi salah nyiuk da sarua téa jaba keur lulungu.”
“Enya wé tragédi tina sarua Darsép. Ké ari protokol kasétanana lebah mana Darsép?”
“Enya apan nyarékan béak karep ka Ceu Lasmi, Jin. Mun teu kaburu éling mah teuing dikumaha.”
“Kitu da lalaki mah ari keur ngamuk téh mani asa pangjagona.”
“Nya enya atuh Bi, moal enya asa pangbikangna.”
“Hahahaa….”
“Tah kitu, gara-gara sarua jadi tragédi.”
“Béda-béda tragédi deuih nya Bah?”
“Bener Jin boh sarua boh béda-béda bisa jadi tragédi sabab teu ati-ati. Siga Ceu Lasmi nyaho aya dua rupa nu sarua téh heug asaan heula, mun asin tangtu uyah, mun amis nya gula.”
“Tah kitu Surjin, kudu diasaan heula ngarah salamet teu jadi tragédi mah. Tah Si Mimin kabogoh manéh, saméméh dikawin téh heug asaan heula naha amis naha haseum. Lamun amis pasti manis, mun haseum pasti tai ucing.”
“Hahahaa….” (réngsé) **

Baca Juga :  Gandeng Dompet Dhuafa, LinkAja Renovasi Masjid Terdampak Bencana Gempa Lombok

M Purnama Alam

Tinggalkan Balasan

Alamat email Anda tidak akan dipublikasikan. Ruas yang wajib ditandai *

Next Post

Kemenag Mundurkan Setahun Semua Jadwal Antrean Jemaah Haji

Kam Jun 11 , 2020
Silahkan bagikanVISI.NEWS – Direktur Pelayanan Haji Dalam Negeri Kementerian Agama Muhajirin Yanis menyatakan, pembatalan keberangkatan calon jemaah haji Indonesia 2020 secara otomatis memundurkan masa antrean jemaah haji ke tahun berikutnya. Dengan kata lain, para jemaah yang seharusnya berangkat tahun depan maka keberangkatannya ikut mundur pada 2022 sebagai dampak pembatalan penyelenggaraan haji tahun ini. “Jadi, yang […]